អគារឈ្មោះ SHARD OF GLASS នឹងបើកសម្ពោធនៅទីក្រុងឡុងដ៍ ក្នុងខែមិថុនាខាងមុខនេះ ។ អគារនេះដែលមានកម្ពស់ដល់ទៅ៣១០ម៉ែត្រ ផ្គត់ផ្គង់ហិរញ្ញវត្ថុសាងសង់ដោយប្រទេសកាតា នឹងជាអគារដែលខ្ពស់ជាងគេបំផុតនៅអឺរ៉ុប។ រដ្ឋាភិបាលអង់គ្លេសបានយល់ព្រមលើគម្រោងសាងសង់អគារយ៉ាងខ្ពស់នេះ ដែលនឹងផ្លាស់ប្តូរមុខមាត់របស់ទីក្រុងឡុងដ៍។ SHARD OF GLASS ដែលគេអាចបកប្រែមកថា «បំណែកគ្រីស្តាល់» ជាអគារដែលសាងសង់ក្នុងសង្កាត់នៃស្ថានីយរថភ្លើង LONDON BRIDGE ។
អគារនេះសាងសង់ក្រោមបត្យករអ៊ីតាលី លោក RENZO PIANO ដែលមានឈ្មោះល្បីល្បាញក្នុងការសាងសង់មជ្ឈមណ្ឌល GEORGES POMPIDOU ក្នុងសង្កាត់ CHÂTELET-LES-HALES ក្រុងប៉ារីស កាលពីឆ្នាំ១៩៩៧ ព្រមទាំងដោយអ្នកសាងសង់លោក IRNINE SELLAR ។ អគារនេះសម្រាប់ប្រើប្រាស់ចម្រុះជាលំនៅឋាន ជាការិយាល័យ និងជាកន្លែងកម្សាន្ត។ លោក KEW LIVING STONE អតីតអភិបាលក្រុងឡុងដ៍ ដែលបានតាមដានគម្រោងនេះ ដែលមានចាប់តាំងពីទសវត្សឆ្នាំ២០០០មក ចង់បង្កើតឱ្យមានទីតាំងសេដ្ឋកិច្ច និងសាធារណៈផងដែរក្នុងអគារនោះ ៕
ចែករំលែកព័តមាននេះ