ព័ត៌មានជុំវិញតារាចម្រៀង តារាម៉ូដែល និងតារាសម្តែង កំពុងពេញនិយម
ដោយ ៖ សាម៉ន
ថ្ងៃអង្គារ ទី២៤ ខែមករា ឆ្នាំ២០១២ ម៉ោង ១៣:២៨
តាមប្រភពពីគេហទំព័រ redflava បានចេញផ្សាយនូវព័ត៌មានទាក់ទងនឹងតារាចម្រៀង តារាម៉ូដែល និងតារាសម្តែង ដែលកំពុងទទួលការគាំទ្រពីប្រិយមិត្តយុវវ័យតាមរយៈទេពកោសល្យនៃការសម្តែង និងរូបសម្រស់ដ៏ស្រស់ផូរផង់របស់ពួកនាងដែលមានវត្តមាននៅក្នុងព្រឹត្តិការណ៍ប្រគំតន្ត្រី ក៏ដូចជាក្នុងកម្មវិធីបង្ហាញម៉ូដផ្សេងៗ ។ ពិសេសជាងនេះទៅទៀត ពួកនាងកំពុងក្លាយជារាជិនីដ៏ស្រស់ស្អាតនៅក្នុងដួងចិត្តប្រិយមិត្តដែលនិយមតាមដានព័ត៌មានតាមប្រព័ន្ធអ៊ីនធើរណេត ។ តារារូបស្រស់ទាំងនោះរួមមាន ៖
១-នាង វ៉ាង យី ណា (Wang Yi Na) មានរហស្សនាមថាស្រីស្អាតនៅ Changchun ។ នាង ជាតារាម៉ូដែលចិនកំពុងលេចធ្លោក្នុងពិភពសិល្បៈ និងជាស្រីស្អាតនៅក្នុងបណ្តាញអ៊ីនធើរណេតផងដែរ ។ នាងកើតនៅថ្ងៃទី១០ ឧសភា ឆ្នាំ១៩៩២ នៅទីក្រុង Changchun ខេត្តJilin ភាគឦសាននៃប្រទេសចិន។
២-នាងAi Shang Zhen កំពូលតារាម៉ូដែលចិនដែលមានកេរ្តិ៍ឈ្មោះល្បី ។ ក្រៅពីអាជីពជាតារាម៉ូដែល នាងក៏ជាតារាចម្រៀង តារាភាពយន្ត និងជាពិធីការិនីទូរទស្សន៍ផងដែរ ។ នាងកើតនៅថ្ងៃទី៩ ខែកក្កដា ឆ្នាំ ១៩៨៨ នៅទីក្រុងChongqing ភាគនិរតីនៃប្រទេសចិន ។ ក្នុងអាជីពជាតារាម៉ូដែល នាងបានបង្ហាញម៉ូដជាលក្ខណៈអន្តរជាតិឱ្យក្រុមហ៊ុនជាច្រើនដូចជា Gucci, Louis, Vuitton, Calvin Klein និងArmani ជាដើម ។
៣-នាង Chrissie Chau តារាភាពយន្តសិចស៊ីហុងកុង មានកំណើតនៅទីក្រុង Chaozhou ខេត្ត Guangdong ប្រទេសចិន ។ នាងចាប់ផ្តើមសាងកេរ្តិ៍ឈ្មោះល្បីល្បាញនៅទីក្រុងហុងកុងក្នុងឆ្នាំ២០០៩ ហើយថ្មីៗនេះ នាងកំពុងមមាញឹកថតខ្សែភាពយន្តរឿង “ Bauhinia Heroin ” និងរឿង “ Nightclub Talks” ។ ក្រៅពីអាជីពជាតារាភាពយន្ត នាងក៏ជាអ្នកជំនួញម្នាក់ផងដែរ ។ បច្ចុប្បន្ន នាងគឺជាថៅកែហាងលក់សម្លៀកបំពាក់មួយដែលកំពុងតែទទួលការគាំទ្រពីអតិថិជន ៕
