រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានដាក់បទបញ្ជាទៅអាជ្ញាធរខេត្ត-ក្រុងថា ត្រូវធ្វើបញ្ជីពិនិត្យមើលដីធ្លីបងប្អូនប្រជាពលរដ្ឋឱ្យបានច្បាស់លាស់ត្រឹមត្រូវ ហើយតម្រូវឱ្យពួកគាត់គ្រប់គ្រងក្នុងមួយគ្រួសារទំហំ៥ហិកតាប៉ុណ្ណោះ មិនឱ្យអ្នកណាវាតទីធំជាងនោះទៀតទេ ។
សម្តេចតេជោ ហ៊ុន សែន នាយករដ្ឋមន្ត្រីបានមានប្រសាសន៍បញ្ជាមឺុងម៉ាត់បែបនេះ ក្នុងឱកាសដឹកនាំមន្ត្រីជាន់ខ្ពស់រដ្ឋាភិបាលមួយក្រុមអញ្ជើញចុះពិនិត្យការដ្ឋានសំណង់វារីអគ្គិសនីអាតៃ ស្ថិតក្នុងភូមិឆាយលូក ឃុំអូរសោម ស្រុកវាលវែង នាវេលាព្រឹកថ្ងៃទី២៦ ធ្នូ ២០១១ នេះ បន្ទាប់ពីសាងសង់អស់រយៈ ពេលជាង៣ឆ្នាំមកហើយ ។
ទំនប់សំណង់វារីអគ្គិសនីអាតៃនេះចែកចេញជាពីផ្នែក គឺផ្នែកទី១ មានថាមពល២០មេហ្គាវ៉ាត់ និងផ្នែកទី២ មានថាមពល១០០មេហ្គាវាត់ សរុបទាំងអស់១២០មេហ្គាវ៉ាត់ ហើយថាមពល២០មេហ្គាវ៉ាត់ នេះនឹងត្រូវដាក់ឱ្យដំណើរការប្រើប្រាស់នៅឆ្នាំ២០១៣ ខាងមុខ និងបន្ទាប់មកមួយឆ្នាំ ឬពីរឆ្នាំទៀតនឹងដាក់ឱ្យប្រើប្រាស់ថាមពល១០០មេហ្គាវ៉ាត់ទៀតដែលសរុបទៅ គឺ១២០មេហ្គាវ៉ាត់ ។ ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕ ច័ន្ទថា
ចែករំលែកព័តមាននេះ