រាជជធានីភ្នំពេញ ៖ រថយន្តម៉ាកឡិចស៊ីសRX៣០០ ពណ៌ខ្មៅ បានបោះពួយទៅបុកដើមក្ងោកបណ្តាលឱ្យបាក់រាបដល់ដីអស់១ដើម និងថែមទាំងក្រឡាប់ជាច្រើនត្រឡប់ខ្ទាតចម្ងាយពីដើមក្ងោកប្រមាណជា ២០ម៉ែត្រ រួចងើបឈរឡើងវិញ បែរក្បាលទៅទិសខាងជើងដែលមុនពេលកើតហេតុរថយន្តនេះបានធ្វើដំណើរ ពីលិចទៅកើត ។ ចំណែកអ្នកបើកបរដែលស្រវឹងស្រា និងអ្នករួម
រាជជធានីភ្នំពេញ ៖ រថយន្តម៉ាកឡិចស៊ីសRX៣០០ ពណ៌ខ្មៅ បានបោះពួយទៅបុកដើមក្ងោកបណ្តាលឱ្យបាក់រាបដល់ដីអស់១ដើម និងថែមទាំងក្រឡាប់ជាច្រើនត្រឡប់ខ្ទាតចម្ងាយពីដើមក្ងោកប្រមាណជា២០ម៉ែត្រ រួចងើបឈរឡើងវិញ បែរក្បាលទៅទិសខាងជើងដែលមុនពេលកើតហេតុរថយន្តនេះបានធ្វើដំណើរពីលិចទៅកើត ។ ចំណែកអ្នកបើកបរដែលស្រវឹងស្រា និងអ្នករួមដំណើរជាមួយម្នាក់ទៀតបានរងរបួសជាទម្ងន់ត្រូវរថយន្តគ្លីនិកឯកជនមួយនៅទួលគោកដឹកយកទៅសង្គ្រោះ ។
ហេតុការណ៍នេះបានកើតឡើងកាលពីវេលាម៉ោង១១ និង៣០នាទីយប់ថ្ងៃទី១៣ ធ្នូ តាមបណ្តោយផ្លូវសហព័ន្ធរុស្ស៊ីខាងលិចស្ពានអាកាសភ្លើងស្តុបមន្ទីរពេទ្យព្រះកុសុមៈ សង្កាត់ទឹកថ្លា ខណ្ឌសែនសុខ ។ នៅកន្លែងកើតហេតុគេឃើញរថយន្តខាងលើរងការខូចខាតយ៉ាងដំណំ ដោយបែកកង់ខាងមុខទាំង២ ឯក្បាលរថយន្តត្រូវរួញនិងកញ្ចក់មុខបែកទាំងស្រុង រួមទាំងដំបូលរថយន្តក៏ត្រូវស្រុតចុះក្រោម ចំណែកពោងការពារក៏ត្រូវផ្ទុះចេញមកក្រៅទាំងពីរដែរ ។
តាមប្រភពព័ត៌មានពីអ្នករត់ម៉ូតូឌុបនៅម្តុំភ្លើងស្តុបមន្ទីរពេទ្យព្រះកុសុមៈបានឱ្យដឹងថា មុនពេលកើតហេតុគេឃើញរថយន្តខាងលើបានបើកបោះពួយតាមណ្តោយផ្លូវសហព័ន្ធរុស្ស៊ីពីលិចទៅកើតក្នុងល្បឿនលឿន លុះមកដល់កន្លែងកើតហេតុមិនដឹងជាយ៉ាងមិុចរថយន្តរេចង្កូតទៅបុកដើមក្ងោកនៅលើចិញ្ចើមផ្លូវយ៉ាងចេញទំហឹង បណ្តាលឱ្យដាច់បាក់ត្រឹមគល់ ។ ក្រោយពីបុកដើមក្ងោកបាក់១ដើមដួលរាបទៅដីហើយរថយន្តនេះបានក្រឡាប់ជាច្រើនត្រឡប់ថែមទៀត ប៉ុន្តែរថយន្តនេះ បែរជាឈរឡើងវិញ ។ ក្រោយពីបញ្ជូនជនរងគ្រោះទៅព្យាបាលរួច សមត្ថកិច្ចបានស្ទូចរថយន្តបង្កគ្រោះថ្នាក់យកទៅរក្សាទុកនៅការិយាល័យប៉ូលិសចរាចរជើងគោករាជធានីភ្នំពេញ ដើម្បីរង់ចាំការដោះស្រាយ ៕
ចែករំលែកព័តមាននេះ