Angry Birds ជាកម្មវិធីហ្គេមកុំព្យូទ័រដែលកំពុងពេញនិយមបំផុតនៅលើពិភពលោក នឹងបើកឱ្យដំណើរការជាលើកដំបូងនៅប្រទេសហ្វាំងឡង់នៅឆ្នាំក្រោយនេះ ហើយនឹងសង្ឃឹមថា អាចទាក់ទាញអារម្មណ៍របស់ក្មេងៗឱ្យចូលលែងបានយ៉ាងច្រើន ដូចដែលការលែងតាមកុំព្យូទ័រ និងទូរស័ព្ទដូច្នេះដែរ ។
អ្នកបង្កើតកម្មវិធីហ្គេម Angry Birds ដែលបានរកឃើញនៅក្នុងទូរស័ព្ទ ដូចជា ៖ iPhone និងកុំព្យូទ័រ Tablet ជាច្រើនទៀត បានប្រាប់ទីភ្នាក់ងារសារព័ត៌មានរ៉យទ័រថា ទីក្រុងហ្វាំងឡង់ចំនួន២ នឹងត្រូវបានបំពាក់ឧបករណ៍សម្រាប់ក្មេងលែងកម្សាន្តទៅតាមកម្មវិធីហ្គេម Angry Birds រចនាដោយក្រុមហ៊ុន Lappset ដែលជាក្រុមហ៊ុនផលិតឧបករណ៍កម្សាន្តខ្នាតអន្តរជាតិ។
ហ្គេម Angry Birds គឺតម្រូវឱ្យអ្នកលែងប្រើចំពាមបាញ់សត្វជ្រូកដែលមកលួចស៊ុតរបស់សត្វ។ ហ្គេមនេះបានស្ថិតនៅលំដាប់កំពូលតារាង ចាប់តាំងពីដាក់ឱ្យដំណើរការនៅក្នុងទូរស័ព្ទ iPhone របស់ក្រុមហ៊ុន Apple នៅឆ្នាំ ២០០៩មកម៉្លេះ ៕
ចែករំលែកព័តមាននេះ