ស្ត្រីកូរ៉េខាងត្បូងម្នាក់ជាប់ការរៀនបើកបររថយន្តក្រោយពីធ្លាក់959លើក
ដោយ ៖ ប្រុសកោះ
ថ្ងៃអង្គារ ទី៧ ខែកញ្ញា ឆ្នាំ២០១០ ម៉ោង ១០:៤៥
គេហទំព័របរទេស
ស្រ្តីដែលទើបប្រឡងជាប់បង្ហាញលិខិតស្នាម
ស្ត្រីវ័យចំណាស់ជនជាតិកូរ៉េខាងត្បូងម្នាក់នេះបានធ្វើឱ្យមនុស្សផងទាំងឡាយមានការភ្ញាក់ផ្អើលយ៉ាងខ្លាំង នៅពេលគាត់បានប្រលងជាប់ការរៀនបើកបររថយន្តក្រោយពីប្រលងធ្លាក់៩៥៩លើកមកហើយ ។ ស្ត្រីរូបនេះឈ្មោះ Chasa-Soon អាយុ៦៩ឆ្នាំ បានជាប់ការរៀនបើកបររថយន្តកាលពីពេលថ្មីៗកន្លងមក ហើយក្រោយពីគាត់ក្លាយជាមនុស្សល្បីល្បាញម្នាក់នៅក្នុងប្រទេសកូរ៉េខាងត្បូង ។
តាមប្រភពព័ត៌មានឱ្យដឹងថា អ្នកស្រី Cha Sa-Soon បានចាប់ផ្តើមប្រលងរៀនបើកបររថយន្តតាំងពីឆ្នាំ២០០៥មកម៉្លេះ ដោយចាប់តាំងពីនោះមក គាត់ប្រលងមួយថ្ងៃម្តងជាប់គ្នា៥ថ្ងៃក្នុងមួយសប្តាហ៍ ប៉ុន្តែធ្លាក់រហូតដល់ប្រលងលើកទី៩៦០ទើបជាប់ ធ្វើឱ្យគាត់ចំណាយប្រាក់អស់យ៉ាងច្រើន ៕
