ថ្ងៃ ៤ រោច ខែទុតិយាសាធ ព.ស.២៥៥៩ ឆ្នាំមមី ឆស័ក
Facebook Twitter Google+

លិខិតថ្លែងអំណរគុណ

ព្រះរាជាណាចក្រកម្ពុជា

ជាតិ សាសនា ព្រះ​មហាក្សត្រ

ខ្ញុំ​បាទ​ឈ្មោះ ហេង ឈាង មាន​ទីលំនៅ​បច្ចុប្បន្ន​ផ្ទះលេខ ២៤ ផ្លូវ​៣៣៦ សង្កាត់បឹងសាឡាង ខណ្ឌ​ទួលគោក​ រាជធានីភ្នំពេញ ។

សូម​គោរព​ថ្លែង​អំណរ​គុណ​ជូន​ចំពោះ

អស់​លោក​ លោកស្រី​ជាសាស្រ្តា​ចារ្យ​ និស្សិត បញ្ញាវន្ត និង​ប្រជាពលរដ្ឋ​ ដែល​បាន​ចូល​រួម​លើក​ទឹកចិត្ត​ដល់​ខ្ញុំ និងគ្រួសារ​នៅក្នុង​សវនាការ​តុលាការ​កំពូល​កាលពី​ថ្ងៃ​ទី​២៣ ខែ​កញ្ញា ឆ្នាំ២០១១

អស់លោក​ លោកស្រី​ជាទីរាប់អាន សមានចិត្តដ៏ខ្ពង់ខ្ពស់របស់​អស់​លោក​ លោកស្រី​ ធ្វើ​ឱ្យ​ខ្ញុំ​ និងក្រុម​គ្រួសារ​ចងចាំ​មិន​ភ្លេច ហើយ​ខ្ញុំ​សង្ឃឹម​ថា តុលាការកំពូល​នឹងសំរេច​សេចក្តី​ដោយ​យុត្តិធម៌ជាទី​បំផុត​ ព្រោះថាក្នុង​ពេលសវនាការ​ អស់លោក​ លោកស្រី បាន​ស្តាប់លឺហើយថា លោក ឡុង​ ដារ៉ា ដែល​ជា​មេធាវី​របស់​លោកឧកញ៉ា កុក អាន បាន​ទទួល​ស្គាល់​ថា របាយការណ៍របស់​សវនកម្ម​ផ្ទៃក្នុង​របស់​ក្រុម​ហ៊ុន អាន​ កូ ដែល​យក​មក​ធ្វើ​ជាភស្តុតាងប្តឹង​ យើងខ្ញុំថាលួច​ប្រាក់​នេះ​គឺ​មាន​ភាព​មិន​ច្បាស់​លាស់ ទើប​គេ​ត្រូវ​ការ​ឱ្យ​មាន​សវនកម្មឯករាជ្យ​ផ្សេងទៀត ។ ដូច្នេះ​បើ​មេធាវី​សារភាព​ថា ភស្តុតាង​របស់​កូនក្តី​ខ្លួន (លោក​ឧកញ៉ា កុក អាន) មាន​ភាព​មិន​ច្បាស់​លាស់​ទៅ​ហើយ​នោះ​តុលាការ​កំពូល​គប្បី​ពិចារណា​ និង​សំរេច​សេចក្តី​ឱ្យ​យើង​ខ្ញុំ​បាន​នៅ​ក្រៅ​ឃុំ​ជាមិនខាន ។

សូម​ជូនពរ​អស់​លោក​ លោកស្រី ជួប​តែ​ពុទ្ធ​ពរ​ទាំង​បួន​ប្រការ គឺ អាយុ វណ្ណៈ សុខៈ និង​ពលៈ កុំបី​ឃ្លាងឃ្លាតឡើយ ។

ធ្វើ​នៅ​ពន្ធនាគារ​ព្រៃ.ស ថ្ងៃ​ទី ២៣ ខែ​ កញ្ញា ឆ្នាំ២០១១

ពីខ្ញុំបាទ

ហេង ឈាង

Copyright © 2010 Koh Santepheap Daily, All rights reserved.
Email: info@kspg.co | Online Advertise: ads@kspg.co | Phone: 023 987 118
Hosted by