ADផ្ទាំងផ្សព្វផ្សាយពាណិជ្ជកម្ម

Picture

វិធានការអភិបាលរាជធានី ក្លឹបកម្សាន្ត រឺ​ខារ៉ាអូខេមិនអនុញ្ញាតឱ្យមាន​សន្តិសុខ​ជាសមត្ថកិច្ចរដ្ឋ

12 ឆ្នាំ មុន

រាជធានីភ្នំពេញ ៖ លោក​កែប ជុតិមា ​អភិ​បាល​​រាជ​ធានីភ្នំពេញ ​​បាន​ដាក់​ចេញ​នូវ​បម្រាម​​ដ៏​ដាច់​ណាត់​មួយ​​របៀប​ប្រើ​ដំបង​ដែក​មិន​ឱ្យ​ ក្លឹប​កម្សាន្ត​​ ឬ​ខារ៉ាអូខេ​​មាន​សន្តិ​​សុខ​ជា​កម្លាំង​ប្រដាប់​អាវុធ​​រ​បស់​រដ្ឋ​​ដូច​ជា ប៉ូលិស ​ប៉េអឹម ឬ​ទាហាន​ទៅ​កាង​​នោះ​ទេ ​បើ​មាន​ត្រូវ​​ឆាប់​ដក​ខ្លួន​ជា​បន្ទាន់ បើ​អាជ្ញា​​ធរ​​រាជ​​ធានី​​ត្រួត​ពិនិត្យ​ឃើញ​ត្រូវ​តែ​​ទទួល​ការ​ដាក់​ ពិន័យ ។

រាជធានីភ្នំពេញ ៖ លោក​កែប ជុតិមា ​អភិ​បាល​​រាជ​ធានីភ្នំពេញ ​​បាន​ដាក់​ចេញ​នូវ​បម្រាម​​ដ៏​ដាច់​ណាត់​មួយ​​របៀប​ប្រើ​ដំបង​ដែក​មិន​ឱ្យ​ក្លឹប​កម្សាន្ត​​ ឬ​ខារ៉ាអូខេ​​មាន​សន្តិ​​សុខ​ជា​កម្លាំង​ប្រដាប់​អាវុធ​​រ​បស់​រដ្ឋ​​ដូច​ជា ប៉ូលិស ​ប៉េអឹម ឬ​ទាហាន​ទៅ​កាង​​នោះ​ទេ ​បើ​មាន​ត្រូវ​​ឆាប់​ដក​ខ្លួន​ជា​បន្ទាន់ បើ​អាជ្ញា​​ធរ​​រាជ​​ធានី​​ត្រួត​ពិនិត្យ​ឃើញ​ត្រូវ​តែ​​ទទួល​ការ​ដាក់​ពិន័យ ។

លោក​កែប ជុតិមា ​បាន​ដាក់​បម្រាម​​បែប​នេះ​នៅ​ក្នុង​កិច្ច​ប្រជុំ​ប្រចាំ​ខែ​នៅ​សាលា​រាជធានី​ភ្នំពេញ ព្រឹក​ថ្ងៃទី​៥ កញ្ញា ឆ្នាំ​២០១១ បន្ទាប់​ពី​មាន​ករណី​​ទំនាស់​​​បាញ់​​​ប្រហារ​នៅ​វេលា​ម៉ោង​១០​​និង​១០​នាទី​យប់​ថ្ងៃទី​៤ កញ្ញា ឆ្នាំ​២០១១ នៅចំណុច​​មុខ​ក្លឹប​រាត្រី​ឌីជេ​ស្តេ​សិន ក្នុង​ខណ្ឌ​ទួលគោក ​ដែល​ជន​សង្ស័យ​​ជា​​សន្តិ​សុខ​​យាម​​ឱ្យ​ក្លឹប​នេះនិងជា​មន្ត្រី​​កង​រាជអាវុធ​ហត្ថ​​លើ​ផ្ទៃប្រទេស​​ដែល​បាន​បាញ់​​បណ្តាល​ឱ្យស្លាប់​​​មនុស្ស​​ម្នាក់ ។

ទាក់ទិន​​ទៅនឹង​​ជម្លោះ​​ផ្ទុះអាវុធ​បណ្តាល​ឱ្យ​ស្លាប់​នេះ​ លោក​កែប ជុតិមា ​ប្រធាន​គណៈ​បញ្ជា​ការ​​ឯក​ភាព​រាជធានីភ្នំពេញ ​និង​ជាអភិ​បាល​រាជ​ធានីភ្នំពេញ បាន​ស្នើ​ឱ្យ​​សមត្ថ​កិច្ច​ជំនាញធ្វើ​ការ​បញ្ជូន​​ជន​សង្ស័យ​​ទៅតុលា​ការ​តែម្តង ដោយ​មិន​ឱ្យ​បញ្ជូន​ទៅ​សាមី​ស្ថាប័ន​ ឬ​កង​រាជអាវុធ​ហត្ថ​លើ​ផ្ទៃ​ប្រទេស​​ដែល​ជា​កន្លែង​​ធ្វើការ​​រ​បស់​ជន​សង្ស័យ​​នោះ​ទេ ហើយ​ត្រូវ​​តែផ្តន្ទា​ទោស​តាម​ផ្លូវ​​ច្បាប់ ។

ក្នុង​កិច្ច​ប្រជុំ​នោះ​លោក​កែប ជុតិមា ​បាន​ដាក់​ចេញ​នូវ​បម្រាម​​​ដាច់​ណាត់​មួយ ហើយ​​​លោក​ក៏​បាន​បញ្ជា​ឱ្យ​គណៈ​បញ្ជា​ការ​​ឯក​ភាព​ខណ្ឌ និង​សង្កាត់​​ រួម​ទាំងសមត្ថ​​កិច្ច​ជា​នគរបាល និង​កង​រាជ​អាវុធ​ហត្ថ​ត្រូវ​ចុះ​ស្រង់​ស្ថិ​តិ​តាម​​ក្លឹប​កម្សាន្ត​ ឬ​ខា​រ៉ា​អូ​ខេ​ជា​ដើម​ នៅ​ក្នុង​ភូមិ​សាស្ត្រ​របស់​ខ្លួន​ឱ្យ​បាន​ហ្មត់​ចត់ ។ ​​បើ​ពិនិត្យ​ឃើញ​នៅ​មាន​សន្តិ​សុខ​ក្លឹប​កម្សាន្ត​នោះ​ជា​កម្លាំង​សមត្ថ​កិច្ច​របស់​រដ្ឋ​នោះ​​​តម្រូវឱ្យ​ដក​ខ្លួន​ចេញ​ជា​បន្ទាន់​។ ហើយ​​ប្រ​សិន​បើ​ការ​ត្រួត​ពិនិត្យ​លើក​ក្រោយ​នៅ​មាន​ដដែល​នោះ​ ទាំង​ម្ចាស់​ក្លឹប​​​កម្សាន្ត ឬ​ខារ៉ា​អូ​ខេ ឬ​សាមី​ខ្លួន​ត្រូវ​ទទួល​ការ​ដាក់​ពិន័យ​​តាម​ផ្លូវ​ច្បាប់​។
លោក​កែប​ ជុ​តិ​មា បាន​រំ​លឹក​ផ​ងដែរ​ថា លោក​នៅ​តែ​ប្រកាន់និន្នា​កា​រយ៉ាង​ច្បាស់​លាស់​ឱ្យ​តែ​មាន​​​ការ​បាញ់​បោះ​នៅ​ក្នុង​ ឬ​មុខ​​ហាង ឬ​ក្លឹប​កម្សាន្ត​​ អាជ្ញា​ធរ​រាជធានី​​ភ្នំេពញ​តម្រូវ​​​ឱ្យ​បិទ​
អា​ជី​វកម្ម​​​នោះ​ទាំង​ស្រុង​។

ចំណែក​​ឯ​បញ្ហា​សណ្តាប់​ធ្នាប់​នៅ​តាម​ដង​ផ្លូវ​ក្នុង​រាជ​ធានី​ភ្នំេពញ នា​ពេល​បច្ចុប្បន្ន​នេះ​អាជ្ញា​ធរ​សង្កាត់​ ខណ្ឌ​ហាក់​ដូច​​ដេក​លក់​​ មិន​អើ​ពើ​ក្នុង​ការ​​រៀប​ចំ​នោះ​ទេ។ េហតុ​នេះ​ចាប់​ពីពេល​​នេះ​ត​ទៅ​ត្រូវ​តែជំរុញ​​ការ​រៀប​ចំ​​ឱ្យ​បាន​ប្រ​សើរ​ជាង​មុន​។ លោក​ថ្លែងថា ​អាជ្ញា​ធរ​សង្កាត់​ខណ្ឌ​​ក៏​មិន​ត្រូវ​ភ្លេច​នូវ​ការ​រៀប​ចំ​ប្រ​ជុំ​ជា​សាធារណៈ​សម្រាប់​ឱ្យ​ប្រ​ជា​ពល​រដ្ឋ​​ចូល​រួម​ផ្តល់​មតិ​ បើ​សង្កាត់​​ឬ​ខណ្ឌ​ណា​ធ្វើ​មិន​បាន​គួរ​ត្រូវ​បាន​ដក​​ចៅ​សង្កាត់​នោះ​ចេញ​។

ក្នុង​កិច្ច​ប្រ​​ជុំ​ប្រ​ចាំ​ខែ​សម្រាប់​ខែ​កញ្ញា ឆ្នាំ​២០១១ ​នៅសាលា​រាជ​ធានី​ភ្នំពេញ​បាន​លើក​យក​របៀប​វារៈ​ចំនួន​៦​គឺ​
ទី​១-​លទ្ធ​ផល​នៃ​ការ​អនុវត្ត​គោល​ន​យោ​បាយ​ភូមិ​-សង្កាត់​មាន​សុវត្ថិ​ភាព
ទី​២-​ការ​ដោះ​ស្រាយ​ផល​ប៉ះ​ពាល់​គម្រោង​​សាង​សង់​ស្ពាន​ជ្រោយ​ចង្វា​ទី​២
ទី​៣-​ការ​ត្រៀម​ជួយ​រៀប​ចំ​កិច្ច​​ប្រ​ជុំ​កំពូល​អាស៊ាន​ និង​កិច្ច​ប្រ​ជុំ​​ពាក់​ព័ន្ធ​នៅ​ឆ្នាំ​២០១២
ទី​៤-គម្រោង​ស្ថា​ប​នា​សួន​ច្បារ​មាត់​ទន្លេ​​ពី​ខាង​ជើង​ជ្រោយ​ចង្វាដល់​ឃ្លាំង​សាំង​សូ​គី​ម៉ិច​
ទី៥-​ការ​ងារ​ប្រ​មូល​ពន្ធ​លើ​អចល​ន​ទ្រព្យ​ប្រ​ចាំ​ឆ្នាំ​២០១១
ទី​៦-ស្ថាន​ភាព​ទឹក​ជំ​នន់​ក្នុង​ភូមិ​សាស្ត្រ​រា​ជ​ធានី​ភ្នំពេញ
ចំណែក​ឯ​បញ្ហា​ផ្សេង​ៗ​ស​ម្រាប់​កិច្ច​ប្រជុំ​នោះ​សាលា​រាជ​ធានីភ្នំពេញ បាន​លើក​យក​រ​បៀប​វារៈ​​ចំនួនពីរ​មក​​ពិភាក្សា​​​គឺទី១ ​សេចក្តី​ណែនាំ​ស្តីពី​ពិធី​កា​ន់​បិណ្ឌ និង​ភ្ជុំ​បិណ្ឌ និង​ទី​២ គម្រោង​ចុះ​​សួរ​សុខ​ទុក្ខ​​កង​ទ័ព​​នៅ​សមរភូមិ​មុខ ៕