ប្រទេសថៃ ៖ នៅព្រឹកនេះ (១២ មីនា ២០១០) លោកណាត់វុធ សាយកឿ មេដឹកនាំចលនាបាតុករអាវក្រហមមួយរូបបានប្រកាសថា ប្រសិនបើលោកអាប់ភីស៊ីត វ៉េចា ជីវ៉ា នាយករដ្ឋមន្ដ្រីថៃ មិនរំលាយសភា និងចុះចេញពីតំណែងឆាប់ៗនេះទេ លោកនឹងដឹកនាំបាតុករអាវក្រហមឱ្យកាន់តែច្រើនដើរជាក្បួនគ្រប់ច្រកល្ហក ពាសពេញទីក្រុងបាងកក នៅថ្ងៃទី១៥ មីនា ។លោកណាត់វុធ សាយកឿ បាននិយាយថា ការដើរដង្ហែក្បួនពួកអាវក្រហមលើកនេះគឺជាចលនាធំមួយអាចនឹងធ្វើឱ្យមានការភ្ញាក់ ផ្អើលពេញក្រុងបាងកក ព្រោះតែក្រុមអាវក្រហមនឹងដើរគ្រប់ច្រកល្ហក ។ ការដង្ហែក្បួនលើកនេះ មានឈ្មោះថា “ក្បួនព្រៃបណ្ដេញ រដ្ឋាភិបាលអាមាត្យ” ។
លោកអាប់ភីស៊ីត វ៉េចាជីវ៉ា នាយករដ្ឋមន្ដ្រីថៃ ដែលកើតពីរដ្ឋប្រហារយោធាមិនបង្ហូរឈាម ធ្លាប់បានសន្យាជាសាធារណៈរួចហើយថា លោកនឹងយល់ព្រមឱ្យរំលាយសភា និងចុះចេញពីតំណែង ប្រសិនបើការចុះចេញរបស់លោកអាចនឹងធ្វើឱ្យស្ថានការណ៍នយោបាយប្រទេសថៃធូរស្រាល ឬវិលទៅរកប្រក្រតីភាពវិញនោះ ។
ចែករំលែកព័តមាននេះ