កំពុងអង្គុយ​​​សា​សង​​ជាមួយស្រី​ក្នុង​​​ភោជនីយដ្ឋាន​ ត្រូវ​អ្នក​ផឹកស៊ី​​ក្បែរ​៩​នាក់​​​ព្រួតគ្នា​វាយ​​សម្លាប់​​

រាជធានីភ្នំពេញ​​ ៖ ​​​បុរសម្នាក់ត្រូវ​ក្រុម​​ទំនើង​​មានគ្នា​៩​នាក់​​​ ​​ព្រួត​វាយ​នឹង​ដប​កែវ ​ជើងម៉ា បណ្តាល​ឱ្យ​ស្លាប់បាត់បង់ជីវិត​នៅនឹង​ កន្លែង ខណៈ​ពេលកំពុង​​អង្គុយ​សា​សង​ជាមួយស្ត្រី​​អ្នក​បម្រើ​ម្នាក់​។

ហេតុការណ៍​​​វាយសម្លាប់​នេះ​ កើតឡើង​​កាល​ពីវេលាម៉ោង​​​១២​និង​៣០នាទី​​ រំលងអធ្រាត្រ​ឈាន​ចូលថ្ងៃទី​៧ សីហា នៅចំណុច​​ភោជនីយ​ដ្ឋាន​​​​សុវណ្ណា ​៩៩៩  ស្ថិតនៅ​​ផ្ទះលេខ​​​៧២ ផ្លូវ​លេខ​​​២៦១ ​កែង​ផ្លូវលេខ​​​១៦០  សង្កាត់ទឹកល្អក់​ទី​​​២ ខណ្ឌទួលគោក។​ ​​ទោះបីជា​យ៉ាង​ណា ​​យុវជន​​ម្នាក់​ ក្នុងចំណោម​ជនដៃ​ដល់​​ត្រូវសមត្ថកិច្ច​​​ចាប់​ឃាត់​​ខ្លួន​ និង​វាយ​ខ្នោះ​​ ​​ទាំងស្រវឹង​​​ដាប​។

ជនរងគ្រោះ​​​​ដែលត្រូវ​​​គេវាយសម្លាប់​​នេះ​ត្រូវ​​ប៉ូលិស​ឱ្យ​ដឹង​ថា  ឈ្មោះ​ជឹម ​​ចាន់ថេត ភេទប្រុស អាយុ​២៤​ឆ្នាំ ជាបុគ្គលិក​​ក្រុមហ៊ុន PSH មាន ​​​លំនៅ​​ផ្ទះលេខ​​១៩ ផ្លូវ​​​​លេខ​​​២៣៧ សង្កាត់ផ្សារ​ដេប៉ូទី​១ ខណ្ឌ​ ទួលគោក ​​បានស្លាប់បាត់បង់ជីវិត​​នៅ​​​នឹង​កន្លែង​។ ​ចំណែក​ជនដៃ​ដល់​​​​ ដែលត្រូវ​ឃាត់​ខ្លួន​ឈ្មោះ​មៀច សិទ្ធ ជាជាង​​​តោន​រថ​យន្ត​​​​  មានទីលំនៅផ្ទះលេខ​​​៩៤ ​ផ្លូវ​លេខ​​​១៥៦ សង្កាត់​​ទឹកល្អក់ទី​២ ខណ្ឌ​​​ ទួលគោក ។

តាមព័ត៌មាន​បាន​ឱ្យដឹង​ថា ​នៅមុនពេល​កើត​ហេតុ ​ជនរងគ្រោះ​​​មានគ្នា​​ ៣នាក់ ​​នាំគ្នាទៅ​​ផឹក​ស៊ី​នៅ​ភោជនីយដ្ឋាន​​​ខាងលើ លុះដល់​យប់ជ្រៅ​​មិត្ត​ ភក្តិ​​​​​ចំនួន​២នាក់ បានជិះម៉ូតូ​ទៅបាត់​នៅសល់តែ​​​​ជនរងគ្រោះ​អង្គុយ​​​​ ​សា​​សង​​ជាមួយស្ត្រី​​​ម្នាក់​ឈ្មោះ​ស្រីខួច ជាអ្នករត់តុ ។

តាមព័ត៌មាន​​បន្តទៀតថា ​​​ពេលដែលមិត្តភក្តិ​​​ជនរងគ្រោះចាកចេញ​​​អស់​ទៅ​ ​បក្សពួក​ទាំង​៩​នាក់​​ដែល​អង្គុយ​តុ​ក្បែរ​ក៏ព្រួត​គ្នា​​វាយ​ជន​រង​គ្រោះ​ ​​រហូត​​បាត់​បង់​ជីវិតតែម្តង៕

ខេត្តបន្ទាយមានជ័យ​ ៖ អ្នកទោស​ស្ត្រី​ចំនួន​៥​នាក់​ដែល​មានកូន​ជាប់​នឹង​ខ្លួន​ត្រូវ​បាន​ព្រះមហាក្សត្រ​ឡាយ​ព្រះហស្ត​លើក​លែង​ទោស​មុន​ថ្ងៃ​បុណ្យចូលឆ្នាំ​ខ្មែរ​ប្រពៃណី​ជាតិ​ និង​ធ្វើ​ពិធី​ដោះ​លែង​នៅ​រសៀល​ថ្ងៃ​ទី​១២​ មេ​សា ២០១៥ ​នៅ​ព​ន្ធា​គារ​

ខេត្តសៀមរាប​៖​ នៅ​ព្រឹក​ថ្ងៃ​៩​រោច ខែចេត្រ ឆ្នាំមមី ឆស័ក ព​.​ស​២៥៥៨ ត្រូវ​នឹង​ថ្ងៃ​ទី ១២ ​មេ​សា ២០១៥ ព្រឹក​មិ​ញ​នេះ នៅ​មុខ​ប្រាសាទអង្គរវត្ត មាន​រៀបចំ​ធ្វើ​ពិធីបួងសួង ​សុំ​​​សេចក្តីសុខ​សប្បាយពី​ម្ចាស់​ទឹក​ម្ចាស់​ដី និងបារមីអ្នក​គង់​ប្រថាប់​

គេហ​ទំព័រ​កោះ​សន្តិ​ភាព​សូម​ជូន​ដំណឹង​ដល់​អតិថិ​ជន និង​ប្រជា​ពល​រដ្ឋ​ទាំង​ក្នុង និង​ក្រៅ​ប្រទេស​ឱ្យ​បាន​ជ្រាប​ថា អំឡុង​ពេល​នៃ​ពិធី​បុណ្យ​ចូល​​ឆ្នាំ​ថ្មី ប្រពៃណី​ជាតិ​ ឆ្នាំ​មមែ សប្តស័ក ពុទ្ធសករាជ ២៥៥៩

ខេត្តព្រះសីហនុ ៖ លោកយាយ គឹ​ម មុំ ដែល​មាន​អាយុ​១០៤​ឆ្នាំ​ឈាន​ចូល​១០៥​ឆ្នាំ មានស្រុក​កំណើត​ភូមិ​កំពង់​ត្នោត ឃុំ​កូន​សត្វ ស្រុក​ទឹកឈូ ខេត្តកំពត ជា​ស្ត្រី​មេម៉ាយ​រស់នៅ​ជាមួយ​កូនស្រី​

Copyright © 2010 Koh Santepheap Daily, All rights reserved.
Email: info@kspg.co | Online Advertise: ads@kspg.co | Phone: 023 987 118
Hosted by