រាជធានីភ្នំពេញ ៖ នគរបាលការិយាល័យប្រឆាំងការជួញដូរមនុស្សនិងការពារអនីតិជន រាជធានីភ្នំពេញ កាលពីវេលាម៉ោង៩និង១៥នាទីព្រឹកថ្ងៃទី២៣ កក្កដា បានឃាត់ខ្លួនជនជាតិអាមេរិកម្នាក់ពាក់ព័ន្ធបទល្មើស ប្រព្រឹត្តអំពើអនាចារលើកុមារអាយុក្រោម១៥ឆ្នាំ និងឧក្រិដ្ឋកម្មឆ្លងដែន ។
រាជធានីភ្នំពេញ ៖ នគរបាលការិយាល័យប្រឆាំងការជួញដូរមនុស្សនិងការពារអនីតិជនរាជធានីភ្នំពេញ កាលពីវេលាម៉ោង៩និង១៥នាទីព្រឹកថ្ងៃទី២៣ កក្កដា បានឃាត់ខ្លួនជនជាតិអាមេរិកម្នាក់ពាក់ព័ន្ធបទល្មើសប្រព្រឹត្តអំពើអនាចារលើកុមារអាយុក្រោម១៥ឆ្នាំ និងឧក្រិដ្ឋកម្មឆ្លងដែន ។
បុរសជនជាតិអាមេរិកមានវ័យចំណាស់ រូបនេះឈ្មោះ SHE PARD PHILLIP BRUCE ហៅហ្វ៊ីលីព អាយុ៦៨ឆ្នាំ ជាដុកទ័រ បម្រើការងារឱ្យគ្លីនិកឯកជនមួយកាន់លិខិតឆ្លងដែនលេខ ៨៣៨០៦០៣៦ ស្នាក់នៅផ្ទះជួលលេខ៣B ផ្លូវលេខ៣៩៦ សង្កាត់បឹងកេងកងទី៣ ខណ្ឌចំការមន រាជធានីភ្នំពេញ ។
លោកវរសេនីយ៍ត្រីកែវ ធា ប្រធានការិយា ល័យនគរបាលប្រឆាំងការជួញដូរមនុស្ស និងការពារអនីតិជនរាជធានីភ្នំពេញបានឱ្យដឹងថា នៅថ្ងៃខាងលើសមត្ថកិច្ចរបស់លោកបានសហ ការជាមួយមូលដ្ឋានចុះអនុវត្តដីកាបញ្ជាឱ្យចូលខ្លួនលេខ១០៥ អ.យ.ច ចុះថ្ងៃទី២២ កក្កដា របស់លោកប្លង់ សុផល ព្រះរាជអាជ្ញារងអមសាលាដំបូងរាជធានីភ្នំពេញ ។
លោកវរសេនីយ៍កែវ ធា បានឱ្យដឹងទៀតថា យោងតាមការបំភ្លឺពីម្ចាស់ផ្ទះជួលឱ្យឈ្មោះហ្វ៊ីលីព បញ្ជាក់ថា ជិត១ឆ្នាំនេះគេបានឃើញឈ្មោះហ្វីលីព ឧស្សាហ៍នាំក្មេងប្រុសអាយុមិនលើសពី១៥ទៅ១៦ឆ្នាំទៅដេកនៅជាមួយ ។ ចំណែកការបំភ្លឺរបស់សន្តិសុខម្នាក់មើលការខុសត្រូវផ្ទះជួលនោះដែរ និយាយថា គេក៏ធ្លាប់ឃើញឈ្មោះ ហ្វ៊ីលីពយកក្មេងប្រុសលក់លៀស និងខ្លះប្រុសមិនប្រុសស្រីមិនស្រី(ខ្ទើយ)អោបថើបបឺតជញ្ជក់លូកលេងប្រដាប់ភេទ ។ នៅពេលរូបគេណែនាំត្រូវឈ្មោះហ្វ៊ីលីពគំរាមវិញថា កុំចេះនេះជារឿងរបស់គេ ។
លោកកែវ ធា បន្តថា ក្រោយពីឃាត់ខ្លួន មានកុមាររងគ្រោះជាច្រើននាក់បានទៅបំភ្លឺនៅការិយាល័យរបស់លោកដោយចោទប្រកាន់ឈ្មោះហ្វ៊ីលីពមិនខុសពីម្ចាស់ផ្ទះជួល និងសន្តិសុខខាងលើទេ ។ ការបំភ្លឺពីសំណាក់កុមារានិងមនុស្សខ្ទើយដូចគ្នាថា ជនជាតិអាមេរិករូបនេះ តែងនាំពួកគេទៅឱ្យប្រាក់បន្តិចបន្តួចដើម្បីបម្រើផ្លូវភេទរបស់ខ្លួន ។
ចម្លើយសារភាពឈ្មោះហ្វ៊ីលីព ប្រាប់សមត្ថកិច្ចត្រង់ៗថា ខ្លួនបានចូលមកប្រទេសកម្ពុជាតាំងពីឆ្នាំ២០០២ ដោយជួលផ្ទះស្នាក់នៅម្តុំទួលសង្កែ ហើយកន្លងមកខ្លួនបានស្គាល់ក្មេងប្រុស៥ទៅ៦នាក់ និងឈ្មោះវ៉ាន់ ហេង អាយុប្រហែល២០ឆ្នាំ ដែលជាសន្តិសុខនៅមន្ទីរពេទ្យមកស្នាក់នៅជាមួយខ្លួនដែរ។ អ្នកទាំងអស់នោះសុទ្ធតែខ្លួនធ្លាប់បានឱ្យបម្រើផ្លូវភេទនិងផ្តល់ប្រាក់ពី២០ ទៅ៣០ដុល្លារ ។
ហ្វ៊ីលីពបានសារភាពទៀត ថា គេធ្លាប់ត្រូវបានប៉ូលិសសហរដ្ឋអាមេរិក MONTANA ឃាត់ខ្លួនក្នុងអំឡុងឆ្នាំ១៩៨៥ ពីបទពាក់ព័ន្ធនាំក្មេងអាយុ១៤ឆ្នាំ សេពសន្ថវៈដែរ ហើយត្រូវតុលាការរដ្ឋ MONTANA កាត់ទោស១៥ឆ្នាំ តែទោសនោះត្រូវបានព្យួរ និងសម្រេចឱ្យក្រៅឃុំ ស្ថិតក្នុងការតាមដានតាមផ្លូវតុលាការអាមេរិក ។ នៅពេលបានឆ្លងដែនចូលមកធ្វើនៅគ្លីនិកមួយក្នុងប្រទេសកម្ពុជា គេនៅតែប្រព្រឹត្តបទល្មើសនាំក្មេងក្រីក្រក្រោមអាយុ១៥ឆ្នាំទៅបម្រើផ្លូវភេទដដែល ។
នគរបាលបានឃាត់ខ្លួនជនជាប់ពាក់ព័ន្ធបទល្មើសបញ្ជូនទៅសាលាដំបូងរាជធានីភ្នំពេញ ហើយគេមិនអាចគេចផុតពីការឃុំខ្លួនបណ្តោះអាសន្ននៅពន្ធនាគារព្រៃសឡើយ ៕
ចែករំលែកព័តមាននេះ