ទទួលទានផ្លែស្ត្របឺរី(strawberries)អាចជួយពន្យារភាពចាស់ទៅតាមអាយុនិងថែមទាំងជួយទប់ស្កាត់ជំងឺមហារីក។ ការស្រាវជ្រាវថ្មីនេះក៏បានបង្ហាញផងដែរថាទទួលទានផ្លែឈើជួយបង្កើនកម្រិតប្រឆាំងអុកស៊ីដកម្មក្នុងឈាមឲ្យបានខ្លាំង ។
វត្តមាននៃសារធាតុប្រឆាំងអុកស៊ីដកម្មក្នុងកម្រិតខ្ពស់អាចជួយទប់ស្កាត់ផលប៉ះពាល់ដោយOxidativestress, ពន្យារភាពចាស់ទៅតាមអាយុព្រមទាំងទប់ស្កាត់ជំងឺមហារីក ទឹកនោមផ្អែមនិងជំងឺបេះដូង។
បណ្តាអ្នកស្រាវជ្រាវរបស់ប្រទេសអេស្ប៉ាញនិងអ៊ីតាលីបានពិសោធន៍លើអ្នកស្ម័គ្រចិត្តដែលមានសុខភាពល្អចំនួន១២នាក់។អ្នកស្ម័គ្រចិត្តទាំងអស់ត្រូវបានគេផ្តល់ឲ្យផ្លែស្ត្របឺរី១គីឡូក្រាមរយៈពេលជាង២សប្តាហ៍។ ក្រុមអ្នកស្រាវជ្រាវបានពិនិត្យឈាមអ្នកស្ម័គ្រចិត្តបន្ទាប់ពីពិសោធន៍បាន៤ថ្ងៃ ៨ថ្ងៃ ១២ថ្ងៃ ១៦ថ្ងៃនិង១ខែក្រោយមក។ ជាលទ្ធផលដែលបានបោះពុម្ភផ្សាយនៅក្នុងព្រឹត្តិប័ត្រ journal Chemistryបង្ហាញថា ការទទួលទានផ្លែស្ត្របឺរីទៀងទាត់អាចជួយបង្កើនសារធាតុប្រឆាំងអុកស៊ីដកម្មក្នុងឈាមក្នុងកម្រិតមួយខ្ពស់ ហើយវាក៏បានជួយទប់ស្កាត់កោសិកាឈាមក្រហមមិនឲ្យបាត់បង់។
បណ្តាអ្នកវិទ្យាសាស្ត្រមកពីសាកលវិទ្យាល័យMarche Polytechnic Universityប្រទេសអ៊ីតាលីនិងសាកលវិទ្យាល័យUniversity of Granada ប្រទេសអេស្ប៉ាញបាននិយាយថាកម្លាំងថាមពលរបស់ផ្លែស្ត្របឺរីលាតសន្ធឹងនៅក្នុងកម្រិតមួយយ៉ាងខ្ពស់នៃសមាសធាតុហ្វេណុលដែលវាទទួលបាន។
ផ្លែស្ត្របឺរីសំបូរទៅដោយសមាសធាតុហ្វេណុលក្នុងចំនួនយ៉ាងច្រើនដែលក្នុងនោះមានដូចជាហ្វ្លាវ៉ូណូអ៊ីដជាប្រភពប្រមូលផ្តុំទៅដោយសារធាតុប្រឆាំងនឹងអុកស៊ីដកម្ម។ សារធាតុទាំងនេះហើយដែលអាចជួយកាត់បន្ថយOxidative stress ជាភាពមិនស្មើគ្នាដែលកើតឡើងនៅក្នុងរោគសាស្ត្រពិតប្រាកដទាំងឡាយ(មានដូចជាជំងឺបេះដូង មហារីកនិងទឹកនោមផ្អែម) និងបានជួយកាត់បន្ថយស្ថានភាពសរីរសាស្ត្រ(មានដូចជាភាពចាស់ និងលំហាត់ប្រាណជាដើម)៕
ចែករំលែកព័តមាននេះ