បាញ់រ៉ុក្កែតលើអ៊ីស្រាអែលស្លាប់កម្មករថៃម្នាក់
ដោយ ៖ កោះឯករាជ្យ
ថ្ងៃ សៅរ៍ ទី ២០ ខែ មិនា ឆ្នាំ ២០១០
រូបភាពពីវ៉េបសាយបរទេស
បណ្ដាលឱ្យស្លាប់កម្មករជនជាតិថៃម្នាក់
គ្រាប់រ៉ុក្កែត២គ្រាប់ត្រូវបានបាញ់ប្រហារ មកលើដែនដីអ៊ីស្រាអែលបណ្ដាលឱ្យស្លាប់ កម្មករជនជាតិថៃម្នាក់ ធ្វើការក្នុងកសិដ្ឋាន មួយស្ថិតនៅជិតទីក្រុងអាស្កឺឡេនរបស់អ៊ីស្រាអែលជិតព្រំដែនខាងជើងរបស់ជ្រោយហ្គាហ្សា ។ កម្មករថៃនោះស្លាប់ដោយសារ គ្រាប់រ៉ុក្កែតមួយ ចំណែកគ្រាប់រ៉ុក្កែតមួយគ្រាប់ទៀតបាញ់ទៅលើភាគខាងត្បូងអ៊ីស្រាអែលពុំបណ្ដាលឱ្យមានអ្នករងគ្រោះ ឬការខូចខាតឡើយ ។ការវាយប្រហារនេះប្រកាសទទួលខុសត្រូវដោយក្រុមប៉ាឡេស្ទីនអានសារ អាល់ ស៊ុនណា ជិតដិតអាល់កៃដា ។ ក្នុងសេចក្ដីប្រកាសមួយក្រុមនេះនិយាយថា ជនស្យូនីស្ដ ម្នាក់បានត្រូវស្លាប់ ។ ការវាយប្រហារនេះជា ការឆ្លើយតបចំពោះការធ្វើជ្វីហ្វភាវូបនីយកម្មទីតាំងសក្ការបូជាទាំងឡាយរបស់ពួកអ៊ីស្លាមនៅហ្សេរុយ សាឡឹម និងនៅស៊ីស ហ្ស៊កដានី ។ ក្រុមរ៉ាឌីកាល់ ប៉ាឡេស្ទីនមួយទៀត គឺក្រុមអាល់អាក់សា ក៏ប្រកាសទទួលខុសត្រូវចំពោះការបាញ់គ្រាប់រ៉ុក្កែតនេះដែរ។ យោងតាមកងទ័ពអ៊ីស្រាអែលថា នេះជាការ បាញ់គ្រាប់រ៉ុក្កែតលើកទី៣ហើយចេញពីហ្គាហ្សារយៈពេល១២ម៉ោងចុងក្រោយនេះដែល អ៊ីស្រាអែលបានវាយឆ្មក់តបតវិញ ។