លីប៊ីព្រមទទួលការសុំទោសរបស់អាមេរិក
narinchin
ថ្ងៃ សុក្រ ទី ១២ ខែ មិនា ឆ្នាំ ២០១០
បរទេស
.
ប្រទេសលីប៊ីកាលពីថ្ងៃទី១០ មីនា បាន ព្រមទទួលយកការសុំទោសរបស់អ្នកទទួលខុសត្រូវជាន់ខ្ពស់មួយរូបនៃក្រសួងការបរទេសអាមេរិកដែលបាននិយាយលេងសើចកាលពីដំណាច់ខែកុម្ភៈលើពាក្យសំដីរបស់មេដឹកនាំលីប៊ី លោកមូអាមម៉ារកាដាហ្វី ពេលដែលមេដឹកនាំរូបនេះអំពាវនាវឱ្យមានសង្គ្រាមសាសនាប្រឆាំងប្រទេសស្វ៉ីស ដែលទើបអនុម័តតាមរយៈការបោះប្រជាមតិមួយ ហាមឃាត់មិនឱ្យកសាងកំពូលដំបូលបែប អ៊ិស្លាម ។
កាលពីសបា្ដហ៍មុន ប្រទេសលីប៊ីបានព្រមានអំពីផលវិបាកជាអវិជ្ជមាននានាសំរាប់សហរដ្ឋអាមេរិកប្រសិនបើសហរដ្ឋអាមេរិក ពុំធ្វើការសុំទោសទេនោះ។ ប្រមុខអ្នកនាំពាក្យរបស់ក្រសួងការបរទេសអាមេរិក លោក CROWLEY បានធ្វើការសុំទោស កាលពីថ្ងៃទី៩ មីនា កន្លងមកនេះ ។
ប្រទេសលីប៊ីប្រកាសទទួលយកការសុំទោសនេះតាមរយៈសេចក្ដីប្រកាសមួយរបស់ក្រសួងការបរទេស ហើយអបអរសាទរចំពោះកិច្ចដំណើរការឡើងវិញនៃការផ្លាស់ប្ដូររវាងប្រទេសទាំង២ ។