រាជធានីភ្នំពេញ ៖ សាលក្រមបានប្រកាសចំពោះមុខជនដែលត្រូវចោទកាលពីព្រឹកថ្ងៃទី៦ មិថុនា នាសាលាដំបូងរាជធានីភ្នំពេញ តម្រូវដាក់ពន្ធនាគារលើឈ្មោះជុំ ដាវ័ន្ន ភេទប្រុស អាយុ១៥ឆ្នាំ រយៈពេល៣ឆ្នាំ រឿងរួមភេទជាមួយកុមារីអាយុក្រោម១៥ឆ្នាំ ។ សាលក្រមនេះបានធ្វើឡើងដោយលោកកែ សាខន អនុប្រធានសាលាដំបូងរាជធានីភ្នំពេញ
រាជធានីភ្នំពេញ ៖ សាលក្រមបានប្រកាសចំពោះមុខជនដែលត្រូវចោទកាលពីព្រឹកថ្ងៃទី៦ មិថុនា នាសាលាដំបូងរាជធានីភ្នំពេញ តម្រូវដាក់ពន្ធនាគារលើឈ្មោះជុំ ដាវ័ន្ន ភេទប្រុស អាយុ១៥ឆ្នាំ រយៈពេល៣ឆ្នាំ រឿងរួមភេទជាមួយកុមារីអាយុក្រោម១៥ឆ្នាំ ។ សាលក្រមនេះបានធ្វើឡើងដោយលោកកែ សាខន អនុប្រធានសាលាដំបូងរាជធានីភ្នំពេញ និងលោកជេត ខេមរា ព្រះរាជអាជ្ញារង ។ ឈ្មោះជុំ ដាវ័ន្ត ត្រូវសមត្ថកិច្ច នគរបាលខណ្ឌទួលគោកចាប់ខ្លួនកាលពីដើមខែ មករា ឆ្នាំ២០១១ ដោយជាប់ចោទពីបទរួមភេទ ជាមួយកុមារីម្នាក់អាយុក្រោម១៥ឆ្នាំ ។
សំណុំរឿងនិងជនជាប់សង្ស័យត្រូវបានសមត្ថកិច្ចបញ្ជូនទៅកាន់សាលាដំបូងរាជធានីភ្នំពេញ ហើយជនសង្ស័យត្រូវបានតុលាការឃុំខ្លួនបណ្តោះអាសន្នដោយជាប់ចោទពីបទរួមភេទជាមួយកុមារីអាយុក្រោម១៥ឆ្នាំ លុះដល់ថ្ងៃទី២៤ ឧសភា តុលាការបានលើកយកសំណុំរឿងបើកសវនាការជាអសាធារណៈ ពោលគឺមិនអនុញ្ញាតឱ្យមហាជនបានចូលរួមស្តាប់ទេ ។ បន្ទាប់ពីសវនាការត្រូវបានបញ្ចប់ ក្រុមប្រឹក្សាជំនុំជម្រះបានលើកពេលប្រកាសសាលក្រមនៅថ្ងៃទី៦ មិថុនា ។ ដូច្នេះពេលនេះសាលក្រមត្រូវបានប្រកាសដោយផ្តន្ទាទោសលើឈ្មោះជុំ ដាវ័ន្ត ដាក់ពន្ធនាគាររយៈពេល៣ឆ្នាំ និងសងជំងឺចិត្តដល់ជនរងគ្រោះជាប្រាក់ចំនួន១លានរៀល ព្រមទាំងទុកពេលឱ្យភាគីទាំង២ប្តឹងទាស់ទៅសាលាឧទ្ធរណ៍រយៈពេល៣០ថ្ងៃ បើភាគីណាមួយកើតទុក្ខមិនសុខចិត្តចំពោះការកាត់ក្តីរបស់សាលាដំបូងរាជធានីភ្នំពេញនេះ៕
ចែករំលែកព័តមាននេះ