ត្រួតពិនិត្យអាវុធជាតិផ្ទុះ ឃាត់ខ្លួនជនសង្ស័យ២នាក់
រាជធានីភ្នំពេញ ៖ គណៈបញ្ជាការឯកភាពខណ្ឌសែនសុខ បានដាក់គោលដៅឆែកឆេរត្រួតពិនិត្យអាវុធជាតិផ្ទុះ
រាជធានីភ្នំពេញ ៖ គណៈបញ្ជាការឯកភាពខណ្ឌសែនសុខ បានដាក់គោលដៅឆែកឆេរត្រួតពិនិត្យអាវុធជាតិផ្ទុះ
រាជធានីភ្នំពេញ ៖ គណៈបញ្ជាការឯកភាពខណ្ឌសែនសុខ បានដាក់គោលដៅឆែកឆេរត្រួតពិនិត្យអាវុធជាតិផ្ទុះដើម្បីទប់ស្កាត់បទល្មើសក្នុងមូលដ្ឋាន ហើយបានធ្វើការឃាត់ខ្លួនជនសង្ស័យប្រើប្រាស់គ្រឿងញៀនចំនួនពីរនាក់រួមទាំងម៉ូតូមួយគ្រឿង។ ហេតុការណ៍នេះប្រព្រឹត្តឡើងកាលពីវេលាម៉ោង៨ និង៣០នាទីយប់ ថ្ងៃទី២៥ ខែកញ្ញា ឆ្នាំ២០១៧ នៅត្រង់ចំណុចខាងមុខប៉ុស្តិ៍នគរបាលរដ្ឋបាលទឹកថ្លា តាមបណ្តោយផ្លូវហាណូយ ស្ថិតក្នុងសង្កាត់ទឹកថ្លា ខណ្ឌសែនសុខ។ ជនសង្ស័យទី១មានឈ្មោះ មឿន ចំរើន ភេទប្រុស អាយុ២៨ឆ្នាំ មុខរបរកម្មករសំណង់ ស្នាក់នៅក្នុងរោងកម្មករ ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ មានស្រុកកំណើតនៅភូមិវាលធំ ឃុំពាមឧកញ៉ាអុង ស្រុកស្វាយឯម ខេត្តកណ្តាល។
ទី២មានឈ្មោះ បឿន ភាក់ ភេទប្រុស អាយុ២៧ឆ្នាំ មុនរបរកម្មករសំណង់ ស្នាក់នៅជាមួយគ្នា មានស្រុកកំណើតនៅភូមិទឹកលងទី២ ឃុំរុងរឿង ស្រុកថ្ពង ខេត្តកំពង់ស្ពឺ។ ប្រតិបត្តការនេះដឹកនាំដោយលោក ហោ វាសនា អភិបាលរងខណ្ឌសែនសុខ តំណាង លោក ប៉ិល កុសល អភិបាលខណ្ឌ លោក គួក សុខហួ អធិការរងខណ្ឌ តំណាងលោក វរសេនីយ៍ឯក ម៉ក់ ហុង អធិការនគរបាលខណ្ឌ និងកម្លាំងកងរាជអាវុហត្ថ ព្រមទាំងសមត្ថកិច្ចពាក់ព័ន្ធជាច្រើននាក់ទៀត។ លោក ហោ វាសនា អភិបាលរងខណ្ឌ បានមានប្រសាន៍ថា ការដាក់គោលដៅត្រួតពិនិត្យអាវុធជាតិផ្ទុះនេះគឺគណៈបញ្ជាការឯកភាពខណ្ឌដែលដឹកនាំដោយលោក ប៉ិល កុសល ជាប្រធាន បានដាក់បទបញ្ជាឲ្យដាក់គោលដៅត្រួតពិនិត្យជាប្រចាំដើម្បីទប់ស្កាត់បទល្មើសដែលអាចកើតមានឡើងក្នុងមូលដ្ឋាន។
ខណៈពេលនេះក៏មានយុវជនពីរនាក់ជិះម៉ូតូមួយម៉ាក ហុងដាវ៉េវ ពណ៌ខ្មៅ ពាក់ស្លាកលេខ ខេមរភូមិន្ទ០២.១-៥៥៩៩ ជិះមកចូលក្នុងគោលដៅត្រួតពិនិត្យអាវុធជាតិផ្ទុះខាងលើ។ ដោយក្នុងលក្ខណសង្ស័យ កម្លាំងគណៈបញ្ជាការឯកភាពខណ្ឌក៏បានធ្វើការកាក់ឆែកឆេរ និងនាំខ្លួនយកទៅធ្វើតេស្តទឹកនោមនៅប៉ុស្តិ៍នគរបាលរដ្ឋបាលទឹកថ្លា បន្ទាប់ពីធ្វើការតេស្តទឹកនោមយុវជនទាំងពីរនាក់ខាងលើរួចមក ឃើញថាយុវជនទាំងពីរនាក់ខាងលើគឺមានផ្ទុកសារធាតុញៀននៅក្នុងខ្លួនពិតប្រាកដមែន។ បច្ចុប្បន្នជនសង្ស័យទាំងពីរខាងលើ ត្រូវបានសមត្ថកិច្ចប៉ុស្តិ៍នគរបាលរដ្ឋបាលទឹកថ្លា កសាងសំណុំរឿងបញ្ជូនទៅអធិការដ្ឋាននគរបាលខណ្ឌសែនសុខ ដើម្បីរង់ចាំធ្វើការចាត់ការទៅតាមនិតិវិធី៕
ចែករំលែកព័តមាននេះ