កើតមកជាកូនអ្នកក្រគ្មានកំហុសទេ…ហេតុអ្វីដាច់ចិត្តធ្វើរឿងបែបនេះ?
រាជធានីភ្នំពេញ ៖ យុវជនជាសិស្សថ្នាក់ទី៨នៃវិទ្យាល័យ១០០ខ្នង តូចចិត្តកើតមកជាកូនអ្នកក្រគ្មានអ្នកយល់ចិត្ត
រាជធានីភ្នំពេញ ៖ យុវជនជាសិស្សថ្នាក់ទី៨នៃវិទ្យាល័យ១០០ខ្នង តូចចិត្តកើតមកជាកូនអ្នកក្រគ្មានអ្នកយល់ចិត្ត
រាជធានីភ្នំពេញ ៖ យុវជនជាសិស្សថ្នាក់ទី៨នៃវិទ្យាល័យ១០០ខ្នង តូចចិត្តកើតមកជាកូនអ្នកក្រគ្មានអ្នកយល់ចិត្តបានសម្រេចចិត្តចង.កសម្លាប់ខ្លួននៅក្នុងបន្ទប់ជួលបងស្រីដោយសរសេរលិខិតបណ្តាំចំនួន២សន្លឹកទុក ហេតុការណ៍នេះបង្កឲ្យមានការភ្ញាក់ផ្អើលឡើងកាលពីវេលាម៉ោង៥និង៣០នាទីល្ងាច ថ្ងៃទី១៩ ខែមិថុនា ឆ្នាំ២០១៧ត្រង់ចំណុចផ្ទះជួលគ្មានលេខ ជាន់ទី១ ផ្លូវលំ ភូមិស្លែងរលើង សង្កាត់ទឹកថ្លា ខណ្ឌសែនសុខ ។ យុវជនដែលចង.កមានឈ្មោះ ឈ.ស.អ អាយុ១៥ឆ្នាំ ជាសិស្សថ្នាក់ទី៨នៃវិទ្យាល័យ១០០ខ្នង ស្នាក់នៅកន្លែងកើតហេតុ មានស្រុកកំណើតភូមិក្បាលថ្នល់ ឃុំព្រៃខ្ពស់ ស្រុកបវិល ខេត្តបាត់បំបង មានបងប្អូនចំនួន៧នាក់ ប្រុស៥នាក់ និងស្រី២នាក់ ជាកូនទី៦ក្នុងគ្រួសារ ។
តាមសម្តីបងស្រីយុវជនខាងលើឈ្មោះ ឈឺត ហួយ អាយុ២៨ឆ្នាំ មុខរបរកម្មការិនីរោងចក្របានប្រាប់ឱ្យដឹងថា មុនពេលកើតហេតុវេលាម៉ោង២រសៀលថ្ងៃទី១៩ ខែមិថុនា គាត់បានចេញពីធ្វើការហើយទៅពេទ្យនៅម្តុំទឹកថ្លា លុះដល់វេលាកើតហេតុរូបគាត់បានមកដល់ផ្ទះស្រាប់តែឃើញទ្វារបន្ទប់អត់មានចាក់គន្លឹះ និងមិនឃើញប្អូនប្រុសចេញមកពញ្ញាក់ដូចសព្វដង រួចក៏ចូលទៅមើលស្រាប់តែឃើញប្អូនប្រុសបានចង.កស្លាប់បាត់ទៅហើយ ធ្វើឲ្យរូបគាត់តក់ស្លុតជាពន់ពេកបានស្ទុះទៅឱបប្អូនប្រុសរួចស្រែកទ្រហោយំផ្អើលដល់ប្រជាពលរដ្ឋដែលនៅជិតខាងចោមរោមមើល និងរាយការណ៍ជូនសមត្ថកិច្ចមូលដ្ឋាន ។ ក្រោយកើតហេតុសមត្ថកិច្ចបានចុះមកដល់កន្លែងកើតហេតុរកឃើញលិខិតបណ្តាំចុងក្រោយ២សន្លឹករបស់យុវជនដែលចង.កបានសរសេរថា «លាហើយបងស្រី ខ្ញុំស្រលាញ់បងស្រីណាស់ ខ្ញុំខុសហើយសុំទោសផង បើមានជាតិក្រោយពិត ខ្ញុំសុំធ្វើប្អូនរបស់បងទៀត ហើយសូមឱ្យជាតិក្រោយបងប្អូនយើងបានជួបជុំគ្នារហូតកុំឱ្យដូចជាតិនេះ» និងមួយសន្លឹកទៀតបានសរសេរថា «រូបខ្ញុំពិបាកណាស់ ព្រោះខ្ញុំកើតមកជាកូនអ្នកក្រ គ្មានអ្នកយល់ចិត្តទេ» ។
ប្រភពព័ត៌មានបានឲ្យដឹងថា យុវជនដែលចង.កជាក្មេងកំព្រាម្តាយស្លាប់ចោលតាំងពីនៅតូចម្ល៉េះរស់នៅជាមួយឪពុករហូតដល់ធំនៅឯស្រុកកំណើត តែដោយសារតែឪពុកមានប្រពន្ធចុងមួយទៀតការរស់នៅមិនចុះសម្រុងគ្នាក៏សុំឪពុកមករស់នៅ និងរៀនសូត្រជាមួយបងស្រីដែលធ្វើការរោងចក្រនៅភ្នំពេញនៅកន្លែងកើតហេតុខាងលើបានរយៈពេលជាងមួយឆ្នាំមកហើយ ។ ពេលរស់នៅជាមួយបងស្រីក៏ធ្លាប់ត្រូវបងស្រីស្តីបន្ទោសរឿងធ្វើឱ្យបាត់កង់អស់ពីរគ្រឿងហើយ លុះដល់វេលាកើតហេតុមិនដឹងថា ជនរងគ្រោះដែលជាប្អូនខូចចិត្តរឿងអ្វីនោះទេបានជាឈានទៅដល់ការធ្វើអត្តឃាតខ្លួនឯងដូច្នេះ ។ បងប្អូនសាច់ញាតិរបស់យុវជនចង.កមិនបានប្តឹងផ្តល់ និងឲ្យសមត្ថកិច្ចធ្វើកោសល្យវិច័យអ្វីនោះទេបានដឹកសពយកទៅធ្វើបុណ្យតាមប្រពៃណីនៅឯស្រុកកំណើត ៕
ចែករំលែកព័តមាននេះ