ឧត្តមសេនីយ៍ហ្គាឡង់ត្រូវបានតែងតាំងជាប្រមុខកងទ័ពអ៊ីស្រាអែល
ដោយ ៖ ប្រុសកោះ
ថ្ងៃចន្ទ ទី៦ ខែកញ្ញា ឆ្នាំ២០១០ ម៉ោង ១៤:៣៦
គេហទំព័របរទេស
ប្រមុខកងទ័ពអ៊ីស្រាអែលដែលទើបតែងតាំង
រដ្ឋាភិបាលអ៊ីស្រាអែលបានអនុម័តកាលពីថ្ងៃទី៥ កញ្ញា លើការតែងតាំងឧត្តមសេនីយ៍យ៉ូអាវ ហ្គាឡង់ឱ្យកាន់តំណែងជានាយសេនាធិការកងទ័ពអ៊ីស្រាអែល ។ ឧត្តមសេនីយ៍ហ្គាឡង់ធ្លាប់ដឹកនាំការវាយលុករបស់អីុស្រាអែលក្នុងជ្រោយហ្គាហ្សាកាលពីឆ្នាំទៅមិញ ក្នុងឋានៈជាប្រមុខទីបញ្ជាការខាងត្បូងរបស់កងទ័ព ។ លោកនឹងឡើងជំនួសនាយសេនាធិការកងទ៏ពអីុស្រាអែលបច្ចុប្បន្នឧត្តមសេនីយ៍ GABI ASHKENAZI នាដើមឆ្នាំខាងមុខនេះ ។ នាយករដ្ឋមន្ត្រីអ៊ីស្រាអែលលោកបេនចាមីននេតាន់យ៉ាហ៊ូចាត់ទុកឧត្តមសេនីយ៍ហ្គាឡង់ ជាទាហានដ៏អង់អាចក្លាហានមួយរូប និងជានាយទាហានដែលមានបទពិសោធន៍ខ្ពស់ និងជាមេបញ្ជាការដែលមានការទទួលខុសត្រូវក្នុងការប្រយុទ្ធ ៕
