ផ្លែកន្ទួតព្រៃមានផលប្រយោជន៍យ៉ាងច្រើនសំរាប់ជួយទ្រទ្រង់លើរាងកាយដូចជាៈ
-ព្យាបាលជំងឺផ្តាសាយ៖ ត្រូវប្រើផ្លែកន្ទួតព្រៃស្រស់ៗពី១៥-៣០ផ្លែដោយប្រចាច់យកទឹក ឬស្ងោររួចយកមកពិសាជំនួសទឹកម្តងម្កាល អាចជួយព្យាបាលជំងឺផ្តាសាយ ឈឺ.ក និងអាការៈស្ងួតបំពង់.កបាន ។
-ជួយទ្រទ្រង់សក់ឱ្យរឹងមាំ៖ ត្រូវយកកន្ទួតព្រៃស្ងួត (ក្រៀម)១ក្តាប់ដៃ ត្រាំទៅក្នុងទឹកមួយផ្តិលដោយត្រាំទុករយៈពេលមួយយប់ ហើយនៅពេលកក់សក់រួចត្រូវយកទឹកកន្ទួតព្រៃដែលត្រាំនោះមកលាងសំអាតសក់ជាចុងក្រោយទើបជួយធ្វើឱ្យសក់រឹងមាំមិនជ្រុះ ។
-ទំនុកបំរុងខ្លួនប្រាណឱ្យមានលក្ខណៈមាំ
មួន៖ កន្ទួតព្រៃជួយទំនុកបំរុងអវយវៈសព្វសារពាង្គកាយដូចជា ជួយធ្វើឱ្យសក់មិនជ្រុះជំនួយ ដល់ខួរក្បាល ភ្នែក បំពង់.ក បំពង់ដកដង្ហើម សួត បេះដូង ក្រពះ ពោះវៀន ថ្លើម តំរងនោម ក្រលៀន ស្បែក និងធ្វើឱ្យរដូវមកជាទៀតទាត់ ទ្រទ្រង់ឈាមឡើង ព្រមទាំងកាត់បន្ថយសម្ពាធឈាមឡើងខ្ពស់ ។ បច្ចុប្បន្នមានការសិក្សាស្រាវជ្រាវប្រទះឃើញផលប្រយោជន៍យ៉ាងច្រើនរបស់កន្ទួតព្រៃក្នុងការកាត់បន្ថយសម្ពាធឈាម កាត់បន្ថយជាតិស្ករ និងបញ្ចុះជាតិខ្លាញ់ក្នុងឈាម ។
-បន្ថយអាការស្រេកទឹក៖ ប្រសិនបើបានបៀមកន្ទួតព្រៃ អាការស្រេកទឹក និងស្ងួតបំពង់. កនឹងមានអារម្មណ៍ធូរស្រាលភ្លាមៗសមប្រកបទៅនឹងការធ្វើដំណើរផ្លូវឆ្ងាយ ឬរត់ម៉ារ៉ាតុន
ត្រូវខាំគ្រាប់កន្ទួតព្រៃឱ្យមានការចេញរសជាតិ ហើយលេបទឹកមាត់ចូលរឿយៗ។
-ព្យាបាលការទល់លាមក៖ បើបានទទួលទានកន្ទួតព្រៃ គឺអាការទល់លាមកនឹងជាសះស្បើយ ។
-ការពារអាការរមាស់៖ ត្រូវប្រើប្ញសកន្ទួតព្រៃចិញ្ច្រាំជាចំណិតតូចៗរួចយកទៅដាំទឹកឱ្យពុះរយៈពេល១៥នាទី បន្ទាប់មកត្រូវយកទឹកនោះ ទៅលាបនៅបរិវេណដែលមានអាការរមាស់ក្នុងមួយថ្ងៃ២ដង ទាំងព្រឹក-ល្ងាច ក្រោយពីលាបរួចក្នុងរយៈពេលប្រហែល២-៣ម៉ោង អាការរមាស់មានសភាពថយចុះ និងត្រូវបានជាសះស្បើយក្នុងរយៈពេលប្រហែល១សបា្តហ៍ ។
-បំបាត់ការឈឺធ្មេញ៖ ត្រូវប្រើប្រាស់មែក ឬដើមកន្ទួតព្រៃដាំជាមួយនឹងទឹក រួចយកទឹកនោះមកបៀម និងខ្ពុរមាត់ជាញឹកញាប់អាចជួយបំបាត់អាការឈឺធ្មេញបាន ៕
ចែករំលែកព័តមាននេះ