ស្ត្រីនៅអាស៊ីភាគច្រើនត្រូវបានក្រុមជួញដូរបញ្ឆោតឱ្យធ្វើជាស្ត្រីពេស្យា
ដោយ ៖ ប្រុសកោះ
ថ្ងៃអង្គារ ទី២៤ ខែសីហា ឆ្នាំ២០១០ ម៉ោង ១០:១៩
ទីភ្នាក់ងាររបស់អង់គ្លេសបានបង្ហាញពីតួលេខប្រទះឃើញស្ត្រីប្រហែល១៧.០០០នាក់ទៅ៣០.០០០នាក់ ដែលប្រកបរបរបំរើផ្លូវភេទនៅតាមទីកន្លែងផ្សេងៗគឺជាជនភៀសខ្លួនមកពីប្រទេសចិន ថៃ និងអឺរ៉ុបខាងកើត ដោយក្នុងចំនួននោះមានស្ត្រីជិត៣.០០០នាក់ ត្រូវបានក្រុមជួញដូរមនុស្សបោកបញ្ឆោតមកឱ្យធ្វើជាស្ត្រីពេស្យា ។ តាមរបាយការណ៍របស់ទីបញ្ជាការប៉ូលិសអង់់គ្លេសបានបង្ហើបឱ្យដឹងកាលពីថ្ងៃទី១៨ សីហា កន្លងមកថា មានស្ត្រីយ៉ាងតិច២.៦០០នាក់ ដែលក្នុងនោះមានស្ត្រីជាជនជាតិអាសីុ២.២០០នាក់ ភាគច្រើនជាជនជាតិថៃ បានក្លាយជាជនរងគ្រោះរបស់ក្រុមជួញដូរមនុស្សដែលត្រូវបញ្ជូនទៅប្រទេសអង់គ្លេស និងវ៉ែល ដោយបង្ខំឱ្យធ្វើការបំរើផ្លូវភេទ ។ ជនរងគ្រោះទាំងអស់ត្រូវបានបង្ខំឱ្យបំរើផ្លូវភេទដើម្បីរកប្រាក់ទៅឱ្យក្រុមជួញដូរជាង៣០.០០០ផោនក្នុងម្នាក់ ៕
