តារាភាពយន្តហុងកុង Sandra Ng ប្រកែកពីព័ត៌មានថាមានគភ៌
ដោយ ៖ សាម៉ន
ថ្ងៃសុក្រ ទី៣ ខែកញ្ញា ឆ្នាំ២០១០ ម៉ោង ០៩:០៨
គេហទំព័របរទេស
នាង Sandra Ng តារាភាពយន្តហុងកុង
តារាភាពយន្តស្ត្រីនាងSandra Ng បានចេញមុខប្រកែកក្នុងរឿងលេចឮថានាងមានផ្ទៃពោះដែលអាចនឹងមានផលប៉ះពាល់ដល់តួនាទីជាតារាសំដែង ក្រោមការដឹកនាំរឿងថ្មីរបស់លោក Kam Kwok Leung ដែលមានចំណងជើងថា Love island ព្រោះពាក្យចចាមអារ៉ាមនេះ។ នេះបើតាមសារព័ត៌មានហុងកុង បានផ្សព្វផ្សាយ ។ នាងបានឱ្យដឹងថា នាងមានហេតុផលផ្ទាល់ខ្លួនក្នុងការដកខ្លួនចេញពីការថតក្នុងរយៈពេល២ថ្ងៃមុនពេលចាប់ផ្តើមថត គឺលោកភីទ័រចាន បានសុំនាងមិនឱ្យសំដែង ព្រោះគាត់ត្រូវទៅទីក្រុងហុងកុងដើម្បីថតរឿងនេះ ។
នាងចង់ឈប់សំរាកពីការសំដែងរយៈពេល៣ខែដើម្បីសំរាករដូវក្តៅជាមួយកូនស្រីផង ។ ក្រៅពីរឿងនេះមានខ្សែភាពយន្តជាច្រើនចង់ឱ្យនាងថតនៅក្រៅប្រទេស។ វាជាកំហុសរបស់នាងដែលស្ទាក់ស្ទើរក្នុងការសំដែងឬយ៉ាងណា ។ បើទោះជាតារាភាពយន្តរូបនេះបានបកស្រាយបញ្ជាក់យ៉ាងនេះក្តីក៏អ្នកសារព័ត៌មានយល់ថានាងព្យាយាមរក្សាការសំងាត់នៃការមានផ្ទៃពោះរបស់នាងថែមទាំងនិយាយថាគឺមកពីនាងឡើងទម្ងន់។ មួយវិញទៀត នាងមិនបានឆ្លើយតបនឹងសំណួររបស់អ្នកសារព័ត៌មានជុំរិញការមានផ្ទៃពោះរបស់នាងទេ ដោយអះអាងថានេះជាជីវិតឯកជនរបស់នាង ។ តែនាងក៏បានបង្ហើបថា បានត្រៀមខ្លួននឹងការមានកូនទី២របស់នាងហើយ។
គេយល់ថា នេះជាការលាក់លៀមការមានផ្ទៃពោះដូចលើកមុនដែរ ចំពោះតារាវ័យ៤៥ឆ្នាំរូបនេះ។ នាងបន្តថា វាមានន័យជាច្រើនតាមសំដីរបស់នាងគ្រាន់តែចាំមើលទៅបានហើយ ។ រឿងរ៉ាវដែលលេចឮនេះបានចាប់ផ្តើមពេលដែលនាងប្រកាសថាមិនចូលរួមសំដែងក្នុងរឿងLove island តែ២ថ្ងៃមុនពេលថត ហើយឃើញនាងស្លៀកពាក់រលុងក្នុងពេលចូលរួមកម្មវិធីតារានានា៕
