បាញ់ប្រហារក្នុងរោងចក្រស្បែកជើងមួយនៅហុងឌូរ៉ាស់ស្លាប់18នាក់
ដោយ ៖ ប្រុសកោះ
ថ្ងៃពុធ ទី៨ ខែកញ្ញា ឆ្នាំ២០១០ ម៉ោង ១៥:១៨
គេហទំព័របរទេស
ស្នាមឈាមនៅកន្លែងបាញ់ប្រហារ
មនុស្សយ៉ាងហោចណាស់១៨នាក់បានស្លាប់បាត់បង់ជីវិត និងច្រើននាក់ទៀតរងរបួសក្នុងការបាញ់ប្រហារដ៏សាហាវមួយនៅរោងចក្រផលិតស្បែកជើងនៃទីក្រុង San Pedro Sula ភាគខាងជើងប្រទេសហុងឌូរ៉ាស់ ។ ប៉ូលិសនិយាយថា ហេតុការណ៍បាញ់ប្រហារដ៏សាហាវនោះកើតឡើងកាលពីល្ងាចថ្ងៃទី៧ កញ្ញា កន្លងមក ។ ការបាញ់ប្រហារនេះកើតឡើងនៅពេលបុរសម្នាក់ដែលក្នុងដៃមានកាន់កាំភ្លើង AK-47 បានសំរុកចូលក្នុងរោងចក្រស្បែកជើងនោះ ហើយបាញ់រះទៅលើពួកកម្មករ ។ ក្នុងការបាញ់ប្រហារនេះមនុស្ស១៣នាក់បានស្លាប់ នៅនឹងកន្លែង និង៥នាក់ទៀតស្លាប់នៅឯមន្ទីរពេទ្យ ។ ប៉ូលិសបានឱ្យដឹងថា ភាគច្រើននៃជនរងគ្រោះក្នុងការបាញ់ប្រហារមានអាយុ២០ឆ្នាំ។ ទោះបីជាបែបណា គេមិនទាន់ដឹងពីមូលហេតុនៃការបាញ់ប្រហារនេះនៅឡើយទេ ៕
