រាជធានីភ្នំពេញ ៖ គ្រោះថ្នាក់ចរាចរណ៍នៅទូទាំងប្រទេសរយៈពេល១៤ថ្ងៃ គិតចាប់ពីថ្ងៃទី០១ ដល់ថ្ងៃទី១៤ មីនា ២១០៦ កើតឡើងចំនួន១៣៣លើក បណ្តាលឱ្យមនុស្សស្លាប់ចំនួន៥៧នាក់, របួសធ្ងន់-ស្រាលចំនួន២១៦នាក់ ប្រៀបធៀបរយៈពេល១៤ថ្ងៃ ក្នុងខែកុម្ភៈ គឺមានការថយចុះ ។
យោងតាមរបាយការណ៍នាយកដ្ឋានចរាចរណ៍ និងសណ្តាប់ធ្នាប់សាធារណៈនៃអគ្គស្នងការដ្ឋាននគរបាលជាតិបានឱ្យដឹងថា គ្រោះថ្នាក់ចរាចរណ៍នៅទូទាំងប្រទេស ក្នុងរយៈពេល១៤ថ្ងៃ គ្រោះថ្នាក់កើតឡើងចំនួន១៣៣លើក ធៀបនិងខែកុម្ភៈ ថយចុះ៥៦លើក ស្មើ៣០%, ស្លាប់៥៧នាក់ (ស្រី៩នាក់) ថយចុះ៤៤នាក់ ស្មើ៤៤% (ជិះម៉ូតូស្លាប់៣៦នាក់) មិនពាក់មួក២៥នាក់, របួសសរុប២១៦នាក់ថយចុះ៨៨នាក់ ស្មើ៣១% (ជិះរថយន្តតូចស្លាប់២នាក់), របួសធ្ងន់១៣០នាក់ ថយចុះ៥៧នាក់ ស្មើ៣០% (ជិះរថយន្តធំស្លាប់៤
នាក់), របួសស្រាល៨៦នាក់ ថយចុះ៣១នាក់ ស្មើ២៦% (ជិះកង់ស្លាប់២នាក់), (ថ្មើរជើងស្លាប់១២នាក់) (យានផ្សេងៗស្លាប់១
នាក់) ។
ចំពោះមូលហេតុដែលបណ្តាលឱ្យកើតគ្រោះថ្នាក់ចរាចរណ៍ រួមមានបើកបរក្នុងល្បឿងលឿនចំនួន៥៤លើក ថយ១១លើកស្មើ១៧%
(ស្លាប់២៦នាក់), បើកបរក្នុងស្ថានភាពស្រវឹងចំនួន១៦លើក ថយចុះ១៥លើកស្មើ៤៨%(ស្លាប់០៥នាក់), បើកបរប្រជែងគ្រោះថ្នាក់ចំនួន១៨លើក កើន១លើក ស្មើ០៦% (ស្លាប់៩នាក់), មិនគោរពសិទ្ធិ១៦លើក ថយ៥លើកស្មើ២៤% (ស្លាប់៧នាក់), មិនប្រកាន់ស្តាំ ១៥លើក ថយចុះ១៤លើក ស្មើ៤៨% (ស្លាប់៥នាក់), បត់គ្រោះថ្នាក់៨លើក ថយចុះ១១លើក ស្មើ៥៨% (ស្លាប់២នាក់) និងកត្តាយានយន្តចំនួន២លើក ថយចុះ២លើកស្មើ៥០% (ស្លាប់១នាក់) និងងងុយដេក៣លើក (ស្លាប់១នាក់ ។
គ្រោះថ្នាក់ចរាចរណ៍ដែលមានកើតឡើងច្រើន គឺ១-រាជធានីភ្នំពេញ កើតឡើងចំនួន៨លើក, ស្លាប់៦នាក់, ២-ខេត្តកំពង់ធំ៧លើក, ស្លាប់៣នាក់ និងរបួស៧នាក់, ៣-ខេត្តកណ្តាល៦លើក, ស្លាប់៤នាក់ របួស១៣នាក់, ៤-ខេត្តព្រៃវែង ៤លើក, ស្លាប់៣នាក់ របួស ១នាក់, ៥-ខេត្តព្រះសីហនុ១៦លើក ស្លាប់៤នាក់ របួស៤៩នាក់, ៦-ខេត្តតាកែវ៨លើក ស្លាប់៤នាក់ របួស៩នាក់, ៧-ខេត្តសៀមរាប
៦លើក ស្លាប់៤នាក់ របួស៣នាក់, ៨-ខេត្តកំពង់ស្ពឺ៧លើក ស្លាប់៣នាក់ របួស១១នាក់, ៩-ខេត្តតឧត្តមានជ័យ ៤លើក ស្លាប់៣នាក់ របួស១៩នាក់, ១០-ខេត្តស្វាយរៀង២លើក ស្លាប់៣នាក់ របួស២នាក់ និង១១-ខេត្តកំពត៦លើក ស្លាប់២នាក់ របួស១១នាក់ ។
ចែករំលែកព័តមាននេះ