ឮថាទណ្ឌិត ថោង សារ៉ាត់ , សុខ ប៊ុន និង ឈូក បណ្ឌិត កំពុងព្យាបាលជំងឺនៅពេទ្យរុស្ស៊ី ?
រាជធានីភ្នំពេញ ៖ ប្រភពពីមន្រ្តីអនុរក្សពន្ឋនាគារក្រសួងមហាផ្ទៃបានបង្ហើបឲ្យដឹងថា ទណ្ឌិត ថោង សារ៉ាត់ ,សុខ ប៊ុន ដែលជាអ្នកមានទ្រព្យសម្បត្តិរហូតមានជាឧកញ៉ា
រាជធានីភ្នំពេញ ៖ ប្រភពពីមន្រ្តីអនុរក្សពន្ឋនាគារក្រសួងមហាផ្ទៃបានបង្ហើបឲ្យដឹងថា ទណ្ឌិត ថោង សារ៉ាត់ ,សុខ ប៊ុន ដែលជាអ្នកមានទ្រព្យសម្បត្តិរហូតមានជាឧកញ៉ា
រាជធានីភ្នំពេញ ៖ ប្រភពពីមន្រ្តីអនុរក្សពន្ឋនាគារក្រសួងមហាផ្ទៃបានបង្ហើបឲ្យដឹងថា ទណ្ឌិត ថោង សារ៉ាត់ ,សុខ ប៊ុន ដែលជាអ្នកមានទ្រព្យសម្បត្តិរហូតមានជាឧកញ៉ា និង អតីតអភិបាលក្រុងបាវិត លោក ឈូក បណ្ឌិត កំពុងសម្រាកព្យាបាលជំងឺនិងដេកនៅក្នុងបន្ទប់ផ្សេងគ្នា នៅមន្ទីរពេទ្យមិត្តភាពខ្មែរ-សូវៀត ហៅពេទ្យរុស្ស៊ី ។
ដោយឡែកប្រភពមួយទៀតពីខេត្តកណ្តាលក៍បានបង្ហើបឲ្យដឹងដែរថា អតីតប្រធានសាលាដំបូងរាជធានីភ្នំពេញ លោក អំាង មាលតីនោះវិញ ក៍ត្រូវបានអនុរក្សពន្ឋនាគារអនុញ្ញាតឲ្យសម្រាកព្យាបាលជំងឺនៅខាងក្រៅនោះផងដែរ ។
ក្រោយទទួលបានព័ត៌មាននេះ ក្រុមអ្នកតាមដានស្ថានការណ៍សង្គមមួយចំនួនបាននំាគ្នាលើកឡើងថា នៅស្រុកខ្មែរឲ្យតែមានបា្រក់និងអំណាច ទោះជាត្រូវជាប់ពន្ឋនាគារក៍មិនលំបាកដូចអ្នកទោសដទៃទៀតដែលជាប្រជាពលរដ្ឋសាមញ្ញ ឬអ្នកក្រីក្រនោះដែរ អាចចេញទៅសម្រាកព្យាបាលនៅខាងក្រៅ ដោយគ្រាន់តែបា្រប់អ្នកទទួលខុសត្រូវនៅពន្ឋនាគារថាមានជំងឺនេះ ជំងឺនោះប៉ុណ្ណោះ ប៉ុន្តែបើទណ្ឌិតដែលក្រីក្រវិញ ទំនងជាមិនអាចចេញទៅព្យាបាលនៅខាងក្រៅនោះទេ ច្បាស់ជាព្យាបាលនៅក្នុងពន្ឋនាគារ ព្រោះពន្ឋាគារមានពេទ្យប្រចំាការ លុះណាតែឈឺធ្ងន់ទើបគេអាចយកចេញ ។
យ៉ាងណាក៍ដោយ ទាក់ទងទៅនឹងព័ត៌មានខាងលើ នៅព្រឹកថ្ងៃទី១២ មករា ២០១៦ គេហទំព័រកោះសន្តិភាព មិនអាចរកការសុំអត្ថាធិប្បាយបំភ្លឺបានទេពីអ្នកនំាពាក្យអគ្គនាយកដ្ឋានពន្ឋនាគារ ក៍ដូចជាមន្រ្តីជំនាញទទួលខុសត្រូវនៅក្នុងពន្ឋនាគារព្រៃ.ស និងខេត្តកណ្តាល ៕
ចែករំលែកព័តមាននេះ