ទីផ្សារនៃការលក់រថយន្ត GM កើនឡើងនៅប្រទេសចិន
ដោយ ៖ សាម៉ន
ថ្ងៃសុក្រ ទី៦ ខែសីហា ឆ្នាំ២០១០ ម៉ោង ១៤:៥៥
គេហទំព័របរទេស
ទីផ្សារលក់រថយន្ត GM
“ជេណេរ៉លម៉ូធ័រ” GM បានឱ្យដឹងកាលពីថ្ងៃទី៣ សីហា ថា អត្រាលក់រថយន្ដក្នុងខែ កក្កដា នៅប្រទេសចិន បានកើនឡើងដល់ទៅ ២២,២5 ខណៈពេលអត្រាលក់រថយន្ដប្រចាំខែរបស់ក្រុមហ៊ុនគូប្រជែង “ហ្វ័ត” (FORD) ថយចុះ៦,៣5 ។ក្រុមហ៊ុនផលិតរថយន្ដ GM បានបញ្ជាក់ថា កាលពីខែកក្កដា កន្លងមក GM និងក្រុមហ៊ុន រួមវិនិយោគក្នុងប្រទេសចិន លក់រថយន្ដបាន ចំនួន១៧៦.៦៤៥គ្រឿង និងចាប់តាំងពីអំឡុង ខែមករា ដល់ខែកក្កដា គឺមានការលក់រថយន្ដ ជាសរុបបានចំនួន១,៣៩លានគ្រឿង កើនឡើងដល់ទៅ៤៤,៥5 នៅក្នុងអំឡុងពេលដូចគ្នានៃ ឆ្នាំ២០០៩ ។ សំរាប់ក្រុមហ៊ុនផលិតរថយន្ដ Ford របស់អាមេរិកឱ្យដឹងថា កាលពី ខែកក្កដា កន្លងមក អាចលក់រថយន្ដបាន ១៨.២៥៥គ្រឿង ថយចុះពីការលក់នៅក្នុងខែ ដូចគ្នា កាលពីឆ្នាំកន្លងមក មានចំនួន១៩.៤៨៦ គ្រឿង ។ ក្រុមហ៊ុនផលិតរថយន្ដ Ford បាន បង្ហើបឱ្យដឹងថា ការលក់រថយន្ដក្នុងអំឡុងពេល ៧ខែដំបូង ក្នុងឆ្នាំនេះ មានចំនួនសរុប ១៧០.០៥៣គ្រឿង កើនឡើង៣៨5 លើសពីឆ្នាំមុន ដោយបណ្ដាលមកពីតំរូវការរថយន្ដ Ford កើនឡើង ។
ការលក់រថយន្ដនៅក្នុងប្រទេសចិន បានបង្ហាញឱ្យអ្នកផលិតរថយន្ដបរទេសយល់ច្បាស់ពីសក្ដានុពលទីផ្សាររថយន្ដរបស់ចិន ព្រោះអត្រាលក់រថយន្ដនៅក្នុងប្រទេសដែលមានការអភិវឌ្ឍស្រាប់បានថយចុះ បណ្ដាលមកពីវិបត្ដិហិរញវត្ថុពិភពលោក ។ ទោះបីជាយ៉ាងណាក៏ដោយ ក្រោយពីចិនបានប្រជែងសហរដ្ឋអាមេរិក ជាទីផ្សាររថយន្ដដ៏ធំបំផុតនៅក្នុងសាកលលោក កាលពីឆ្នាំកន្លងមក គឺអត្រាលក់រថយន្ដ របស់ចិន ក្នុងអំឡុងពេលប៉ុន្មានខែកន្លងមក ចាប់ផ្ដើមមានការធ្លាក់ចុះបណ្ដាលមកពីតំរូវការថយចុះ ។ តាមរបាយការណ៍ផ្សាយកាលពីថ្ងៃទី៣ កក្កដា ថា ការលក់រថយន្ដនៅទូទាំងប្រទេសចិន ក្នុងខែកក្កដា មានចំនួនសរុប១,០៦លានគ្រឿង កើនឡើង១៧,២5 ពីឆ្នាំមុន ប៉ុន្ដែថយចុះ ៦,៧5 ធៀបនឹងខែកន្លងមក ៕
