ខេត្តបន្ទាយមានជ័យ ៖ ពលករខ្មែរម្នាក់ត្រូវបានប្រភពព័ត៌មានពីខេត្តរ៉ាក់យ៉ង ប្រទេសថៃ ឱ្យដឹងថា ខណៈកំពុងធ្វើការសុខៗក៏ត្រូវម៉ាស៊ីនកិនសាច់កៀបជាប់ម្រាមដៃខាងឆ្វេងដល់ទៅ៤ នៅសល់តែមេដៃ១គួរឱ្យអាសូរបំផុត កាលពីវេលាម៉ោងជាង៤រសៀលថ្ងៃទី២១ វិច្ឆិកា ២០១៥ កន្លងទៅនេះ នៅខេត្តរ៉ាក់យ៉ង ប្រទេសថៃ ។
ក្រោយពីកើតហេតុ ពលករខ្មែររងគ្រោះបានត្រូវគេដឹកយកទៅសង្គ្រោះនៅមន្ទីរពេទ្យក្នុងខេត្តកើតហេតុ ទាំងម្រាមដៃជាប់ក្នុងម៉ាស៊ីន ។ ទោះបីជាយ៉ាងណាក្តី ករណីខាងលើនេះ គេមិនស្គាល់អត្តសញ្ញាណបុរសរងគ្រោះនៅឡើយទេ ។
ចំណែកប្រភពពីអ្នកមើលថែជនរងគ្រោះវិញបានប្រាប់កោះសន្តិភាពថា ជនរងគ្រោះរហូតមកដល់ថ្ងៃទី៣០ ខែវិច្ឆិកា ម្សិលមិញនេះ កំពុងសម្រាកព្យាបាលជំងឺនៅក្នុងមន្ទីរពេទ្យក្នុងខេត្តកើតហេតុនៅឡើយ តែមិនបានរៀបរាប់ប្រាប់ពីស្ថានភាពរបួស ថាតើត្រូវគេកាត់ម្រាមដៃ ឬយ៉ាងណានោះទេ?
ចែករំលែកព័តមាននេះ