ខេត្តសៀមរាប ៖ ប្រតិភូគណៈកម្មាធិការសាខាកាកបាទក្រហមខេត្តសៀមរាប ដឹកនាំដោយលោកជំទាវ គួយ ណាលីន ឃឹម ប៊ុនសុង អនុប្រធានគណៈកម្មាធិការសាខាកាកបាទក្រហមខេត្
ខេត្តសៀមរាប ៖ ប្រតិភូគណៈកម្មាធិការសាខាកាកបាទក្រហមខេត្តសៀមរាប ដឹកនាំដោយលោកជំទាវ គួយ ណាលីន ឃឹម ប៊ុនសុង អនុប្រធានគណៈកម្មាធិការសាខាកាកបាទក្រហមខេត្ត រួមទាំងលោក លោកស្រី ជាសមាជិកគណៈកម្មាធិការ និងមន្ត្រីប្រតិបត្តិសាខាកាកបាទក្រហមខេត្ត ព្រមទាំងអនុសាខា និងអ្នកស្ម័ត្រចិត្តកាកបាទក្រហមថ្នាក់ភូមិ បានអញ្ជើញចុះសួរសុខទុក្ខបងប្អូនអ្នកផ្ទុក និងកើតជម្ងឺអេដស៍ នៅតាម ភូមិ ក្នុងសង្កាត់ចំនួន៤នៃក្រុងសៀមរាប កាលពីព្រឹកថ្ងៃទី៣០ វិច្ឆិកា ២០១៥នេះ ក្នុងគោលបំណងអបអរទិវាពិភពលោកប្រយុទ្ធ ប្រឆាំងនឹងជម្ងឺអេដស៍ ០១ ធ្នូ ។
ក្នុងឱកាសចុះសួរសុខទុក្ខនោះ គណៈប្រតិភូបាននាំយកនូវអំណោយរបស់សម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន ជូនដល់បងប្អូនក្រុមគ្រួសារដែលផ្ទុក និងកើតជម្ងឺអេដស៍ទាំង១០គ្រួសារ ក្នុងក្រុងសៀមរាប ដោយមួយគ្រួសារទទួលបាន អង្ករ២៥គីឡូក្រាម ត្រីខ១យូរ ទឹកស៊ីអ៊ីវ ១យូ មី១កេស និងឃីតមួយកញ្ចប់ មានមុង១ ក្រមា ១ និង សារុង១ ក្នុងនោះលោកជំទាវ គួយ ណាលីន ឃឹម ប៊ុនសុង ក៏បានឧបត្ថម្ភនូវថវិកា ក្នុងមួយគ្រួសារចំនួន៥ម៉ឺនរៀល បន្ថែមផងដែរ ។
នៅរសៀលថ្ងៃដដែលនោះដែរ គេឃើញមានវត្តមានប្រតិភូសាខាកាកបាទក្រហមខេត្ត ដឹកនាំដោយលោកជំទាវ ឯម ផលាមុនី បានចុះទៅសួរសុខទុក្ខបងប្អូនក្រុមគ្រួសារ ដែលផ្ទុក និងកើតជម្ងឺអេដស៍ ចំនួន១០គ្រួសារ បន្ថែមទៀតនៅក្នុងស្រុកប្រាសាទបាគង ខេត្តសៀមរាបនោះផងដែរ ៕
ចែករំលែកព័តមាននេះ