រាជធានីភ្នំពេញ ៖ ខណៈមេឃកំពុងធ្លាក់ភ្លៀងខ្លាំងរហូតមើលផ្លូវមិនចង់ឃើញ នារីម្នាក់បានរថយន្តជ្រុលទៅបុករបាំងថ្មពុះចែកទ្រូងផ្លូវខូចខាតអស់៣ផ្ទាំង ហើយព្យាយាមបើករថយន្តថយក្រោយមកប៉ះជាមួយរថយន្តនីសាន់ …
រាជធានីភ្នំពេញ ៖ ខណៈមេឃកំពុងធ្លាក់ភ្លៀងខ្លាំងរហូតមើលផ្លូវមិនចង់ឃើញ នារីម្នាក់បានរថយន្តជ្រុលទៅបុករបាំងថ្មពុះចែកទ្រូងផ្លូវខូចខាតអស់៣ផ្ទាំង ហើយព្យាយាមបើករថយន្តថយក្រោយមកប៉ះជាមួយរថយន្តនីសាន់ JUKI ស៊េរីទំនើប១គ្រឿងទៀតដែលបើកមកពីក្រោយ ដែលហេតុការណ៍នេះកើតឡើងកាលពីវេលាម៉ោង៧ និង១០នាទីយប់ ថ្ងៃទី៣០ វិច្ឆិកា ២០១៥ តាមបណ្ដោយផ្លូវកម្ពុជាក្រោម នៅចំណុចមុខធនាគារកាណាឌីយ៉ា ស្ថិតក្នុងសង្កាត់ទឹកល្អក់១ ខណ្ឌទួលគោក ។
ប្រភពពីនារីអ្នកបើកបររថយន្តកូរ៉ូឡា ពណ៌ទឹកប្រាក់ ពាក់ស្លាកលេខ ភ្នំពេញ 2R-5831 បានឲ្យដឹងថា មុនពេលកើតហេតុគាត់បើករថយន្តតាមបណ្ដោយផ្លូវកម្ពុជាក្រោមក្នុងទិសដៅពីលិចទៅកើត ខណៈនោះមេឃកំពុងធ្លាក់ភ្លៀងខ្លាំងស្ទើរមើលផ្លូវមិនឃើញ ក៏រេចង្កូតទៅបុករបាំងថ្មពុះចែកទ្រូងផ្លូវខូចខាតអស់៣ផ្ទាំង ។
ប្រភពពីប៉ូលិសចរាចរណ៍ខណ្ឌទួលគោកបានឲ្យដឹងថា ខណៈរថយន្តកូរ៉ូឡាបុករបាំងថ្មពុះចែកទ្រូងផ្លូវខូចខាតអស់៣ផ្ទាំងហើយ អ្នកបើកបរព្យាយាមថយរថយន្តមកក្រោយក៏ប៉ះគ្នាជាមួយរថយន្តនីសាន់ JUKI ពណ៌ស ពាក់ស្លាកលេខ ភ្នំពេញ 2AD-1413 បើកបរដោយបុរសម្នាក់បណ្ដាលឲ្យខូចខាតបែកស្តុបមុខមួយចំហៀង ។
ក្រោយពេលកើតហេតុសមត្ថកិច្ចក៏បានធ្វើការវាស់វែង និងត្រូវយករថយន្តកូរ៉ូឡាទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញដើម្បីដោះស្រាយគ្នាតាមផ្លូវច្បាប់ ។ ចំណែកម្ចាស់រថយន្តនីសាន់ក៏បានទាមទារសំណងពីម្ចាស់រថយន្តកូរ៉ូឡាផងដែរ តែនៅពេលនេះកំពុងចរចាគ្នានៅឡើយ ៕
ចែករំលែកព័តមាននេះ