ខេត្តបន្ទាយមានជ័យ ៖ រថយន្តតូចធំជាច្រើនគ្រឿងបានកកស្ទះចរាចរណ៍ប្រមាណជាជាង៣០នាទី ក៏ព្រោះតែរថយន្តម៉ាកយីឌុបធុនយក្សដឹកខ្សាច់បែកកង់ក្រោយ រហូតដល់មានការជួយអន្តរាគមន៍…
ខេត្តបន្ទាយមានជ័យ ៖ រថយន្តតូចធំជាច្រើនគ្រឿងបានកកស្ទះចរាចរណ៍ប្រមាណជាជាង៣០នាទី ក៏ព្រោះតែរថយន្តម៉ាកយីឌុបធុនយក្សដឹកខ្សាច់បែកកង់ក្រោយ រហូតដល់មានការជួយអន្តរាគមន៍ពីនគរបាលចរាចរណ៍ទើបអាចដំណើរការទៅមកបាន ដែលហេតុការណ៍នេះកើតឡើងកាលពីវេលាម៉ោង១១ព្រឹក ថ្ងៃទី៣០ វិច្ឆិកា ២០១៥ នៅចំណុចខាងត្បូងស្ពានតាផាន់ចម្ងាយប្រមាណ២០ម៉ែត្រ តាមបណ្ដោយផ្លូវជាតិលេខ៥ ស្ថិតក្នុងភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ ។
នគរបាលចរាចរណ៍បានឲ្យដឹងថា រថយន្តដែលបែកកង់ក្រោយបង្កការកកស្ទះចរាចរណ៍នេះ ជារថយន្តម៉ាកយីឌុបធុនយក្ស ដឹកខ្សាច់ ពាក់ស្លាកលេខ ភ្នំពេញ 3A-8358 បើកបរដោយឈ្មោះ ពៅ សំ ភេទប្រុស អាយុ២៩ឆ្នាំ នៅភូមិគោកស្វាយ ឃុំប្ញស្សីក្រោក ស្រុកមង្គលបូរី ខេត្តបន្ទាយមានជ័យ ។
មន្ត្រីនគរបាលបានបញ្ជាក់ថា នៅមុនពេលដែលកម្លាំងសមត្ថកិច្ចចុះទៅធ្វើចរាចរណ៍ ដោយសារតែអ្នកបើកបររថយន្តទាំងទៅទាំងមកខ្វះការយោគយល់អធ្យាស្រ័យគ្នា ដោយប្រជែងគ្នាម្នាក់ៗចង់បានទៅមុនទើបបង្កឲ្យមានការរាំងស្ទះចរាចរណ៍បែបនេះ ក្រោយពីកម្លាំងនគរបាលចរាចរណ៍ចុះទៅដល់បានធ្វើចរាចរណ៍ទើបរថយន្តអាចធ្វើចរាចរណ៍ទៅមកបានជាធម្មតាវិញ ។ ហើយកត្តាបណ្តាលឲ្យរថយន្តដឹកខ្សាច់នេះបែកកង់ទៅមុខលែងរួច គឺមកពីការផ្ទុកហួសចំណុះ និងកង់រថយន្តចាស់ពេក ៕
ចែករំលែកព័តមាននេះ