ខេត្តស្វាយរៀង ៖ លោកអនុសេនីយ៍ឯក ម៉ុំ ដារា នាយប៉ុស្តិ៍ច្រករបៀង២០១ ត្រូវជនជាតិវៀតណាមស្រវឹងស្រាចូលមកវាយបណ្តាលឱ្យរងរបួសក្បាលធ្ងន់ ដែលជនដៃដល់ត្រូវបានគេស្គាល់ថា
ខេត្តស្វាយរៀង ៖ លោកអនុសេនីយ៍ឯក ម៉ុំ ដារា នាយប៉ុស្តិ៍ច្រករបៀង២០១ ត្រូវជនជាតិវៀតណាមស្រវឹងស្រាចូលមកវាយបណ្តាលឱ្យរងរបួសក្បាលធ្ងន់ ដែលជនដៃដល់ត្រូវបានគេស្គាល់ថា ជាក្មួយលោកប្រធានគណៈកម្មការប្រជាជនស្រុកបេនកូវ ខេត្តតៃនិញ ប្រទេសវៀតណាម កាលពីវេលាម៉ោង១និង១៥នាទីរសៀលថ្ងៃទី៣០ វិច្ឆិកា ២០១៥ នៅខាងមុខច្រករបៀងវរៈការពារព្រំដែនលេខ២០១ ស្ថិតនៅភូមិតាបិប សង្កាត់បាវិត ក្រុងបាវិត ។
បើតាមមន្ត្រីកងរាជអាវុធហត្ថ បានឲ្យដឹងថា មុនពេលកើតហេតុ គេឃើញជនជាតិវៀតណាមម្នាក់ ជិះម៉ូតូចេញពីប្រទេសវៀតណាម តាមច្រករបៀងស្រុកបេនកូវ ចូលមកកម្ពុជាតាមច្រករបៀង២០១តាបិប ក្នុងស្ថានភាពស្រវឹងក៏ឃាត់ដើម្បីសួរនាំ និងពិនិត្យបែបបទរដ្ឋបាល ស្រាប់តែជនសង្ស័យវៀតណាមរូបនេះ ចុះពីលើម៉ូតូដោះមួកសុវត្ថិភាពស្ទុះមកវាយក្បាលលោក ម៉ុំ ដារា តែម្តង បណ្តាលឲ្យរងរបួសធ្ងន់ ត្រូវបានមន្ត្រីយោធានាំគ្នាមកជួយអន្តរាគមន៍ រួចចាប់ឃាត់ខ្លួនជនដៃដល់ជាជនជាតិវៀតណាម និងបានកសាងសំណុំរឿងបញ្ជូនទៅទីបញ្ជាការដ្ឋានកងរាជអាវុធហត្ថខេត្ត នៅវេលាម៉ោង២រសៀលថ្ងៃទី៣០ វិច្ឆិកា ២០១៥ នេះ ដើម្បីចាត់ការបន្តតាមនីតិវិធី ។
ជុំវិញករណីជនដៃដល់ជាជនជាតិវៀតណាមចូលមកវាយមន្ត្រីយោធាខ្មែរឱ្យរងរបួសធ្ងន់នេះដែរ មន្ត្រីកងរាជអាវុធហត្ថសុំមិនបំភ្លឺឲ្យដឹងទេ ដោយគ្រាន់តែប្រាប់ថា ភាគីខាងវៀតណាម កំពុងមកសុំចរចាដើម្បីសម្រុះសម្រួល ៕
ចែករំលែកព័តមាននេះ