រាជធានីភ្នំពេញ ៖ ប៉ូលិសខណ្ឌ៧មករាដឹកនាំដោយលោក ក្រេត សខិរីន អធិការរងទទួលផែនព្រហ្មទណ្ឌខណ្ឌ៧មករា ដោយមានការសម្របសម្រួលពីលោកមាស ចាន់ ពិសិទ្ធ ព្រះរាជជ្ញារងអមសាលាដំបូងរាជធានីភ្នំពេញ បានបើកប្រតិបត្តិការចុះបង្ក្រាបក្រុមចែកចែកចាយថ្នាំញៀន ដោយឃាត់ខ្លួនជនសង្ស័យ២នាក់ រួមជាមួយថ្នាំញៀន៣កញ្ចប់ធំ កាលពីវេលាម៉ោង១០ និង១០នាទីព្រឹក ថ្ងៃទី៣០ វិឆ្ឆិកា នៅចំណុច ផ្លូវលេខ១៤៣ សង្កាត់វាលវង់ ខណ្ឌ៧មករា ។
បើតាមប្រភពពត៌មានពីលោក ក្រេត សខិរីន អធិការរងទទួលផែនព្រហ្មទណ្ឌខណ្ឌ៧មករាឱ្យដឹងថា ជនសង្ស័យដែលត្រូវឃាត់ខ្លួន ១-ឈ្មោះ ចុង ប៊ល់ ភេទប្រុស អាយុ១៤ឆ្នាំ មុខរបរនៅផ្ទះជាអ្នកចែកចាយគ្រឿងញៀន ២-ឈ្មោះ ឌឹម សុខា ភេទស្រី អាយុ៣៥ឆ្នាំ មុខរបរនៅផ្ទះជាអ្នកចែកចាយគ្រឿងញៀន។
លោក ក្រេត សខិរីន អធិការរងទទួលផែនព្រហ្មទណ្ឌខណ្ឌ៧មករា បានឱ្យដឹងថា កម្លាំងរបស់លោកបានតាមស្រាវជ្រាវយូរណាស់មកហើយ លុះដល់ថ្ងៃកើតហេតុខាងកម្លាំងរបស់លោកសហការជាមួយប៉ុស្តិ៍បឹងព្រលិតបានឃាត់ខ្លួនជនសង្ស័យម្នាក់រួមនិងថ្នាំញៀន ក្រាមសថ្លា៣កញ្ចប់ធំ ។
ក្រោយមកសមត្ថកិច្ចបានឈានទៅចូលឆែកឆេរនៅក្នុងផ្ទះជួលរបស់ជនសង្ស័យមួយកន្លែងទៀតដែលស្ថិតនៅតាមបណ្ដោយផ្លូវ២៧៨ ក្រុម៣១ ភូមិ៤ ក្នុងសង្កាត់អូឡាំពិត ខណ្ឌចំការមន។ ក្រោយពីសមត្ថកិច្ចឆែកឆេរផ្ទះជួលខាងលើ បានឃាត់ស្រី្តម្នាក់ទៀតរួមនិងថ្នាំញៀន ក្រាមសថ្លា១កញ្ចប់ធំ ៕
ចែករំលែកព័តមាននេះ