រាជធានីភ្នំពេញ ៖ យុវជន៥នាក់ចេញពីក្លឹបមកអង្គុយលេងនៅមុខក្លឹប ស្រាប់តែលេចមុខជនសង្ស័យមួយក្រុមមានគ្នាប្រមាណជាង១០នាក់ យកដបមកដេញគប់ពួកគេបង្កឲ្យមានការភ្ញាក់ផ្អើលដល់សមត្ថកិច្ចចុះអន្តរាគមន៍ កាលពីវេលាម៉ោង១១និង៤០នាទីយប់ថ្ងៃទី២៩ វិច្ឆិកា ២០១៥ នៅតាមបណ្តោយមហាវិថីព្រះមុនីរ៉េត ក្នុងសង្កាត់វាលវង់ ខណ្ឌ៧មករា ។
ប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ គេឃើញយុវជន៥នាក់ អង្គុយលេងនៅមុខក្លឹបមួយ ស្រាប់តែលេចមុខជនសង្ស័យមួយក្រុមមានគ្នាប្រមាណជាង១០នាក់ជិះម៉ូតូចុះមកឆក់យកដបពីរទេះលក់ភេសជ្ជៈដែលនៅក្បែរនោះមកគប់ប្រសាចពេញមុខក្លឹបនោះ បង្កឱ្យមានការភ្ញាក់ផ្អើលដល់សមត្ថកិច្ចមូលដ្ឋាន បន្ទាប់ពីកើតហេតុ សមត្ថកិច្ចបានចុះមកអន្តរាគមន៍នៅកន្លែងកើតហេតុ ប៉ុន្តែក្រុមក្មេងស្ទាវទាំងអស់នោះបានរត់គេចខ្លួនបាត់ស្រមោលទៅហើយ ដោយបន្សល់ទុកតែអំបែងដបនៅនឹងដីតែប៉ុណ្ណោះ ៕
ចែករំលែកព័តមាននេះ