ខេត្តកំពត ៖ ស្ត្រីម្នាក់ និងកូនប្រុសអាយុ២ឆ្នាំត្រូវរថយន្តក្រុងក្រុមហ៊ុនភ្នំពេញសូរិយាដឹកជញ្ជូនអ្នកដំណើរ ពាក់ស្លាកលេខភ្នំពេញ៣B៨២៥៤ បើកបុកពីក្រោយម៉ូតូ និងកិនបណ្តាលឱ្យស្លា.ប់ទាំង២នាក់ភ្លាមៗ
ខេត្តកំពត ៖ ស្ត្រីម្នាក់ និងកូនប្រុសអាយុ២ឆ្នាំត្រូវរថយន្តក្រុងក្រុមហ៊ុនភ្នំពេញសូរិយាដឹកជញ្ជូនអ្នកដំណើរ ពាក់ស្លាកលេខភ្នំពេញ៣B៨២៥៤ បើកបុកពីក្រោយម៉ូតូ និងកិនបណ្តាលឱ្យស្លាប់ទាំង២នាក់ភ្លាមៗនៅនឹងកន្លែង ចំណែកអ្នកបើកម៉ូតូ និងក្មេងស្រីម្នាក់ទៀតអាយុ៣ឆ្នាំរងរបួសស្រាល។
ហេតុការណ៍នេះបានកើតឡើងកាលពីវេលាម៉ោង៩ព្រឹក ថ្ងៃទី២៩ វិច្ឆិកា នៅលើកំណាត់ផ្លូវជាតិលេខ៣១ត្រង់ចំណុចលើស្ពានបេតុងមុខផ្លូវចូលទៅវត្តសំរោង ស្ថិតក្នុងភូមិប្រផុង ឃុំសំរោងលើ ស្រុកបន្ទាយមាស ខេត្តកំពត ។
តាមការឱ្យដឹងពីមន្ត្រីនគរបាលចរាចរណ៍ស្រុកបានឱ្យដឹងថា មុនពេលកើតហេតុ គេឃើញរថយន្តក្រុងបើកក្នុងល្បឿនយ៉ាងលឿនទិសដៅពីត្បូងទៅជើង ខណៈមកដល់ចំណុចកើតហេតុស្រាប់តែមានម៉ូតូមួយគ្រឿងម៉ាកសង់ចិន ពណ៌ក្រហមជិះគ្នា៤នាក់ ជិះឡើងពីផ្លូវវត្តសំរោងពីលិចទៅកើត គឺឡើងផ្លូវជាតិបត់ទៅជើងចូលទៅខាងស្តាំដៃក៏ត្រូវរថយន្តមកដល់បុកចំពីក្រោយបណ្តាលឱ្យស្ត្រីម្នាក់ឈ្មោះណែន ម៉ែន អាយុ២៣ឆ្នាំ និងកូនប្រុសម្នាក់ឈ្មោះហ៊ត តុងតុង អាយុ២ឆ្នាំ ស្លាប់នៅនឹងកន្លែង រីងក្មេងស្រីម្នាក់ទៀតឈ្មោះលី ស៊ា អាយុ៣ឆ្នាំ និងអ្នកបើកម៉ូតូឈ្មោះគិន ចើន អាយុ៣៧ឆ្នាំ រងរបួសស្រាល ។
លោកមិន ញ៉េប ប្រធានផ្នែកនគរបាលចរាចរណ៍ស្រុកបានឱ្យដឹងថា គ្រោះថ្នាក់ចរាចរណ៍នេះបណ្តាលមកពីអ្នកបើកម៉ូតូជិះឡើងមកកាត់ផ្លូវធំមិនបានប្រុងប្រយ័ត្ន រីឯរថយន្តក៏បើកលឿន។ បន្ទាប់ពីកើតហេតុរួចអ្នកបើកបររថយន្តបានរត់គេចខ្លួនបាត់៕
ចែករំលែកព័តមាននេះ