ខេត្តមណ្ឌលគិរី ៖ លោកមាគ វុឌ្ឋី ប្រធានគម្រោងអភិរក្សជីវចម្រុះសីមា និងលោកវរសេនីយ៍ទោ ស្វាយ សុវណ្ណា មេបញ្ជាការក្តាប់រួមកងរាជអាវុធហត្ថលើផ្ទៃប្រទេសប្រចាំនៅតំបន់អភិរក្សបានដឹកនាំកម្លាំងចុះប្រតិបត្តិការបង្ក្រាបជំនួញឈើខុសច្បាប់ ក្នុងរយៈពេលពីរថ្ងៃ ក្នុងតំបន់អភិរក្សជីវចម្រុះសីមា បានឈើប្រណីត និងឈើលេខមួយរាប់សិបកំណាត់ រួមនឹងរថយន្តចំនួន៤គ្រឿង។
ប្រតិបត្តិការប្រឆាំងការជួញដូរឈើខុសច្បាប់នេះបានចាប់ផ្តើមពីថ្ងៃទី២៨-២៩ វិច្ឆិកា ២០១៥។ លោកវរសេនីយ៍ទោ ស្វាយ សុវណ្ណា បានឲ្យដឹងថា ការចាប់បង្ក្រាបបទល្មើសព្រៃឈើនេះ គឺបានធ្វើឡើងនៅលើគោលដៅពីដាច់ដោយឡែកពីគ្នា។
ដែលករណីទីមួយនៅថ្ងៃទី២៨ កម្លាំងជំនាញនិងកម្លាំងសហការ បានចាប់ឃាត់រថយន្តប្រភេទសាំងយ៉ុងកែច្នៃទ្រុងមួយគ្រឿង នៅចំណុចភូមិឆ្នែង ឃុំស្រែខ្ទុម ស្រុកកែវសីមា រឹបអូសបានឈើហ៊ុបប្រភេទសុក្រំ ពេញមួយទ្រុងរថយន្ត។
ករណីទីពីរនៅថ្ងៃទី២៩ វិច្ឆិកា នេះកម្លាំងជំនាញ និងកម្លាំងសហការ ចាប់បានរថយន្តដឹកឈើធ្នង់ចំនួន៣គ្រឿង ក្នុងនោះមានម៉ាកកាមរីគូទស្វិត ម៉ាកឡង់គ្រីស្ស័រ និងម៉ាកទុនត្រា ។ ការចាប់បង្ក្រាបករណីទីពីរនេះនៅចំណុចរកាថ្មី ភូមិរកា ឃុំសែនមនោរម្យ ស្រុកអូររាំង៕
ព័ត៌មានលម្អិតនឹងផ្សាយជូនលើទំព័រកាសែតកោះសន្តិភាព
ចែករំលែកព័តមាននេះ