រាជធានីភ្នំពេញ ៖ កាលពីវេលាម៉ោង១ និង៥ និង១០នាទីល្ងាច ថ្ងៃទី២៨ វិច្ឆិកា នៅចំណុចក្រុមទី១ ភូមិដំណាក់ធំ២ មានករណីឃាតកម្មចាក់សម្លា.ប់ជនជាតិចិនម្នាក់អាយុប្រមាណ៥០ឆ្នាំ
រាជធានីភ្នំពេញ ៖ កាលពីវេលាម៉ោង១ និង៥ និង១០នាទីល្ងាច ថ្ងៃទី២៨ វិច្ឆិកា នៅចំណុចក្រុមទី១ ភូមិដំណាក់ធំ២ មានករណីឃាតកម្មចាក់សម្លាប់ជនជាតិចិនម្នាក់អាយុប្រមាណ៥០ឆ្នាំ ជាអ្នកលក់អីវ៉ាន់បោះដុំ(គ្រឿងអេឡិចត្រូនិក)។
ប្រភពបានឱ្យដឹងថា ជនជាតិចិនមិនត្រូវបានស្គាល់ឈ្មោះទេ ស្នាក់នៅផ្ទះជួលលេខ៤៦ ស្ថិតក្នុងក្រុម១ ភូមិដំណាក់ធំ២ ត្រូវបានជនមិនស្គាល់មុខចំនួន៣នាក់ចាក់ត្រូវ១កន្ត្រៃចំបំពង់.កចំហៀងខាងស្តាំ។ ពេលជនសង្ស័យចាក់រួច ជនរងគ្រោះបានរត់ទៅរកអ្នកជិតខាងជួយ ហើយត្រូវមិត្តភក្តិជនជាតិចិនដូចគ្នាដឹកយកទៅមន្ទីរពេទ្យរុស្ស៊ី តែដោយរបួសធ្ងន់ធ្ងរពេកជនរងគ្រោះបានស្លាប់នៅមន្ទីរពេទ្យ។
ទាក់ទិនករណីចាក់សម្លាប់នេះ ប៉ូលិសមិនទាន់ដាក់ការសន្និដ្ឋានបែបណានៅឡើយទេ រង់ចាំស៊ើបអង្កេតសិន ហើយផ្ទះកើតហេតុត្រូវប៉ូលិស និងអាជ្ញាធរមូលដ្ឋានបិទទ្វារបណ្តោះអាសន្ន រង់ចាំជំនាញ និងខាងស្ថានទូតធ្វើការអង្កេតនៅផ្ទះស្នាក់នៅរបស់ជនរងគ្រោះសិន៕
ព័ត៌មានលម្អិតនឹងផ្សាយជូនលើទំព័រកាសែតកោះសន្តិភាព
ចែករំលែកព័តមាននេះ