រាជធានីភ្នំពេញ ៖ រថយន្តម៉ាកឡង់គ្រីស្ស័រមួយគ្រឿង ពណ៍ខ្មៅ ពាក់ស្លាកលេខភ្នំពេញ 2K 3288 បើកបរដោយជនជាតិចិនប្រុសស្រី២នាក់ ខណៈពេលបើកបរបត់ចូលសណ្ឋាគារភ្នំពេញមិនមើលឆ្វេងស្តាំ ត្រូវម៉ូតូម៉ាកនិចជិះគ្នា២នាក់ក្នុងល្បឿនលឿនចាប់ហ្វ្រាំងមិនស៊ីជ្រុលចង្កូតទៅបុកគូទរថយន្តចំហៀងខាងស្តាំ ហើយម៉ូតូមិនទាន់អស់ល្បឿនបានជ្រុលទៅមុខខាងឆ្វេងដៃបុកដើមលឿងរាជ្យទៅមុខលែងរួចបណ្តាលឱ្យអ្នកជិះម៉ូតូរងរបួសធ្ងន់ទាំង២នាក់ ត្រូវបានគេជួយដឹកទៅសង្គ្រោះនៅមន្ទីពេទ្យកាលម៉ែត កាលពីវេលម៉ោង៩ និង៤០នាទីយប់ ថ្ងៃទី២៨ វិច្ឆិកា ២០១៥ ស្តិតតាមបណ្តោយផ្លូវមុនីវង្ស ត្រង់ចំណុចមុខសណ្ឋាគារភ្នំពេញ ក្នុងសង្កាត់ស្រះចក ខណ្ឌដូនពេញ។
ម៉ូតូរងគ្រោះម៉ាកនិច ពណ៌ស ពាក់ស្លាកលេខភ្នពេញ1FE6618 ជិះគ្នា២នាក់ ឈ្មោះ វិបុល ភេទប្រុស អាយុ២៥ឆ្នាំ មុខរបអ្នករត់តុនៅហាងកាដូ មានទីតាំងនៅតាមបណ្តោយផ្លូវលេខ6 ភូមិព្រែកលៀប សង្កាត់ព្រែកលៀប ខណ្ឌជ្រោយចង្វារ និងម្នាក់ទៀតមិនត្រូវបានស្គាល់ឈ្មោះទេ ។ អ្នកទាំង២ធ្វើការជាមួយគ្នា ស្នាក់នៅក្នុងហាងខាងលើ រងរបួសធ្ងន់ធ្ងរទាំងពីរនាក់៕
ព័ត៌មានលម្អិតនឹងផ្សាយជូនលើទំព័រកាសែតកោះសន្តិភាព
ចែករំលែកព័តមាននេះ