រាជធានីភ្នំពេញ ៖ ក្រសួងការងារ និងបណ្ដុះបណ្ដាលវិជ្ជាជីវៈ ចេញសេចក្តីប្រកាសព័ត៌មានថា ចាប់ពីថ្ងៃទី២៧ ខែវិច្ឆិកា ២០១៥ មកនេះ មានជនទុច្ចរិតមួយក្រុមបានដើរបំផុសនូវពាក្យចចាមអារ៉ាមតាមតំបន់រោងចក្រវាយនភ័ណ្ឌកាត់ដេរ និងផលិតស្បែកជើងថា នៅក្នុងខែធ្នូ ឆ្នាំ២០១៥នេះ គ្រប់រោងចក្រវាយនភ័ណ្ឌកាត់ដេរ និងផលិតស្បែកជើងនៅកម្ពុជានឹងបិទទ្វារផ្អាកដំណើរការរយៈពេល១ខែដែលព័ត៌មាននេះបានបង្កជាក្តីព្រួយបារម្ភដល់បងប្អូននិយោជិត និងនិយោជកក្នុងវិស័យនេះ ។
ក្រសួងការងារ និងបណ្ដុះបណ្ដាលវិជ្ជាជីវៈ សូមធ្វើការបដិសេធនូវព័ត៌មាននេះ និងសូមបញ្ជាក់ជូនសាធារណជន កម្មករនិយោជិត និយោជក និងអង្គការវិជ្ជាជីវៈទាំងអស់ជ្រាបថា ក្រៅពីថ្ងៃឈប់សម្រាកផ្លូវការដែលមាននៅក្នុងប្រកាសលេខ២៤៨កប/ប្រក ចុះថ្ងៃទី២២ តុលា ឆ្នាំ២០១៤ ស្តីពីការឈប់បុណ្យដែលមានប្រាក់ឈ្នួល ប្រចាំឆ្នាំ២០១៥នោះ នៅក្នុងខែធ្នូ ឆ្នាំ២០១៥ នេះ គឺពុំមានការឈប់សម្រាកអ្វីផ្សេងទៀតឡើយ ។
ខាងក្រោមនេះគឺជាសេចក្តីប្រកាសព័ត៌មានទាំងស្រុងរបស់ក្រសួងការងារ និងបណ្តុះបណ្តាលវិជ្ជាជីវៈ
ចែករំលែកព័តមាននេះ