ខេត្តបន្ទាយមានជ័យ ៖ បុរសជនជាតិថៃម្នាក់ ត្រូវគេប្រទះឃើញដេកស្លាប់នៅបន្ទប់ជួលមួយក្នុងកាស៊ីណូផ្កាយ5 ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត កាលពីរសៀលថ្ងៃទី២៨ វិច្ឆិកា ២០១៥ សង្ស័យដោយសារជម្ងឺគាំងបេះដូង ។
ប្រភពបានឱ្យដឹងថា ជនរងគ្រោះឈ្មោះជេន សេធីសារាំង អាយុ៥៧ឆ្នាំ ជាតម្រួតចូលនិវត្តន៍ មានទីលំនៅក្នុងខេត្តសុផាន់បុរីប្រទេសថៃ កាន់លិខិតឆ្លងដែនលេខ155262 ។ សមត្ថកិច្ចពាក់ព័ន្ធ សហការជាមួយក្រុមគ្រូពេទ្យជំនាញ បានចុះដល់កន្លែងកើតហេតុ ដើម្បីត្រួតពិនិត្យ និងធ្វើកោសល្យវិច័យ ។
ជាលទ្ធផលជំនាញប្រាប់ថា ជនរងគ្រោះស្លាប់ដោយសារជំងឺគាំងបេះដូង និងមានជំងឺទឹកនោមផ្អែមផងដែរ ។ សពត្រូវបានគេដឹកបញ្ជូនចេញទៅប្រទេសថៃវិញ តាមច្រកទ្វារអន្តរជាតិប៉ោយប៉ែត ។
ចែករំលែកព័តមាននេះ