រាជធានីភ្នំពេញ ៖ បុរសជនជាតិចិនម្នាក់សង្ស័យស្រវឹងស្រាបានបើករថយន្តបុករនាំងដែកពុះចែកទ្រូងផ្លូវអស់៦ផ្ទាំង ដែលហេតុការណ៍នេះកើតឡើងកាលពីវេលាម៉ោង៨ និង៤០នាទីយប់ ថ្ងៃទី២៧ វិច្ឆិកា ២០១៥ នៅតាមបណ្ដោយមហាវិថីសហព័ន្ធរុស្ស៊ី ស្ថិតក្នុងភូមិតាងួន សង្កាត់កាកាប ខណ្ឌពោធិ៍សែនជ័យ ។
ប្រភពពីសមត្ថកិច្ចបានឲ្យដឹងថា បុរសជនជាតិចិននេះប្រហែលជាស្រវឹងស្រាហើយព្រោះពេលចុះពីឡានធំក្លិនស្រាខ្លាំងណាស់ ។
ប្រភពពីកន្លែងកើតហេតុបានឲ្យដឹងថា មុនពេលកើតហេតុគេឃើញបុរសជនជាតិចិនបើករថយន្តបើករថយន្តម៉ាក CRV ពណ៌ទឹកប្រាក់ ពាក់ស្លាកលេខ ភ្នំពេញ 2I-3893 តាមបណ្ដោយមហាវិថីសហព័ន្ធរុស្ស៊ី ក្នុងទិសដៅពីកើតទៅលិច ស្រាប់តែមកដល់កន្លែងកើតហេតុក៏រេចង្កូតទៅបុករនាំងពុះចែកទ្រូវផ្លូវបាក់អស់៦ផ្ទាំង ។
ក្រោយពេលកើតហេតុ ទាំងអ្នកបើកបរ និងរថយន្តត្រូវបានសមត្ថកិច្ចនាំទៅអធិការដ្ឋាននគរបាលខណ្ឌពោធិ៍សែនជ័យ ទុកប្រគល់ឲ្យខាងការិយាល័យចរាចរណ៍ជើងគោករាជធានីភ្នំពេញ ដើម្បីដោះស្រាយតាមនីតិវិធីច្បាប់ ៕
ចែករំលែកព័តមាននេះ