ក្នុងគោលបំណងជំរុញការបណ្តុះបណ្តាលយុវជនកម្ពុជាយើង ក្រសួងការបរទេស និង សហប្រតិបត្តិការអន្តរជាតិ បានសហការជាមួយមូលនិធិអាស៊ី-អឺរ៉ុប (Asia-Europe Foundation – ASEF) រៀបចំ…
ក្នុងគោលបំណងជំរុញការបណ្តុះបណ្តាលយុវជនកម្ពុជាយើង ក្រសួងការបរទេស និង សហប្រតិបត្តិការអន្តរជាតិ បានសហការជាមួយមូលនិធិអាស៊ី-អឺរ៉ុប (Asia-Europe Foundation – ASEF) រៀបចំវគ្គបណ្តុះបណ្តាលមួយស្តីពី «យុវវ័យ ក្នុងការដឹកនាំ» (Youth on Leadership) នៅទីក្រុងភ្នំពេញ ពីថ្ងៃទី ៣០ ខែវិច្ឆិកា ដល់ ០១ ខែធ្នូ ឆ្នាំ ២០១៥ ។
វគ្គបណ្តុះបណ្តាលនេះ ដែលនឹងមានការចូលរួមរបស់យុវជនកម្ពុជាចំនួន ៦០នាក់ ដែលជានិស្សិតត្រូវបានមូលនិធិអាស៊ី-អឺរ៉ុបជ្រើសរើសមកពីសាកលវិទ្យាល័យ និងប្រភពផ្សេងៗ នឹងទទួលបានការបណ្តុះបណ្តាលពីគ្រូមកពីអឺរ៉ុបចំនួន ២នាក់ ដែលផ្តោតសំខាន់ទៅលើការ បណ្តុះបណ្តាលសមត្ថភាពស្តីពី ការដឹកនាំ (Leadership) និងការដឹកនាំសហគ្រាស (Entrepreneurship) ។
ក្រសួងការបរទេស និង សហប្រតិបត្តិការអន្តរជាតិ សង្ឃឹមយ៉ាងមុតមាំថា វគ្គបណ្តុះបណ្តាលនេះ នឹងអនុញ្ញាតឲ្យយុវជនយើងយល់ដឹងថែមទៀតអំពីតួនាទីរបស់ខ្លួនក្នុងការដឹកនាំលើកិច្ចការនានារបស់រដ្ឋ ព្រមទាំងសហគ្រាស ៕
ចែករំលែកព័តមាននេះ