រាជធានីភ្នំពេញ ៖ អ្នកស្រុកប្រមាណ៥០០គ្រួសារ រស់នៅភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ បានសម្តែងការថ្នាំងថ្នាក់ចំពោះម្ចាស់អាជីវកម្មសត្តឃាតដ៏ធំមួយកន្លែង ហៅកុងស៊ីកា.ប់ជ្រូកកំពុងបង្កផលប៉ះពាល់យ៉ាងធ្ងន់ធ្ងរលើបញ្ហាអនាម័យបរិ
រាជធានីភ្នំពេញ ៖ អ្នកស្រុកប្រមាណ៥០០គ្រួសារ រស់នៅភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ បានសម្តែងការថ្នាំងថ្នាក់ចំពោះម្ចាស់អាជីវកម្មសត្តឃាតដ៏ធំមួយកន្លែង ហៅកុងស៊ីកាប់ជ្រូកកំពុងបង្កផលប៉ះពាល់យ៉ាងធ្ងន់ធ្ងរលើបញ្ហាអនាម័យបរិស្ថាន ជាពិសេសក្លិនស្អុយកំពុងសាយភាយពេញបន្ទុក ។
ទាក់ទិននឹងបញ្ហាខាងលើនេះ នៅព្រឹកថ្ងៃទី២៧ វិច្ឆិកា ២០១៥ អ្នកស្រុករស់នៅតំបន់ជុំវិញទីតាំង ដែលបង្កផលប៉ះពាល់ដល់ពួកគាត់នោះ បានទូរស័ព្ទមកការិយាល័យនិពន្ធកោះសន្តិភាព ដើម្បីសុំសហការីចុះមកយកព័ត៌មានជាក់ស្តែង ។ ពេលទៅដល់ទីតាំង សត្តឃាតឃើញថា ការរស់នៅជុំវិញតំបន់នោះ កំពុងរងផលប៉ះពាល់ដោយសារឥទ្ធិពលក្លិនស្អុយអាសោចពិតប្រាកដមែន ។
ជាមួយនឹងបញ្ហានេះ ភ្នាក់ងារកោះសន្តិភាពបានព្យាយាមទំនាក់ទំនងរកេលខម្ចាស់ទីតាំងសត្តឃាត ដើម្បីសុំការពន្យល់បកស្រាយជុំវិញបាតុភាពរស់នៅរបស់ក្នុងតំបន់នោះ ប៉ុន្តែកម្មករនៅក្នុងសត្តឃាតទាំងនោះ បានព្យាយាមលាក់លៀមថៅកែរបស់ខ្លួន មិនប្រាប់ដល់អ្នកយកព័ត៌មានឡើយ ។
ក្រុមកម្មករខ្លះបានលើកឡើងថា ការស្ទះប្រព័ន្ធលូបង្ហូរទឹកសម្អុយ និងកាកសំណល់ផ្សេងៗដែលធ្វើឱ្យជះក្លិនស្អុយដល់អ្នកស្រុករស់នៅជុំវិញទីតាំងសត្តឃាត រួមទាំងបុគ្គលិករស់នៅក្នុងសត្តឃាតទាំងមូលទ្រាំស្ទើរពុំបាន ដោយសារឧកញ៉ាម្នាក់ឈ្មោះទី ពិសិដ្ឋ មានអាសយដ្ឋានផ្ទះលេខ៣៣៥ មហាវិថីព្រះមុនីវង្ស សង្កាត់អូរប្ញស្សី៤ ខណ្ឌ៧មករា លុបដីប្រព័ន្ធបង្ហូរទឹកបឹងក្រពើទាំងមូលអស់ទំហំជាង៣ហិកតា ហើយឈ្មួញម្នាក់នេះ មិនខ្វល់ពីសុខទុក្ខរបស់អ្នកស្រុកឡើយ ។
កុងស៊ីកាប់ជ្រូកមួយនេះ ស្ថិតនៅក្នុងចំណោមភូមិដ៏ធំមួយ មានផ្ទះប្រមាណជាង៥០០ខ្នង កំពុងហិតក្លិនស្អុយអាចម៍ជ្រូករាប់ខែ រាប់ឆ្នាំមកហើយ ទ្រាំលែងបានហើយ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ