រាជធានីភ្នំពេញ ៖ ខណៈពេលនេះសមត្ថកិច្ចព្រហ្មទណ្ឌកម្រិស្រាលរាជធានីភ្នំពេញ សហការជាមួយសមត្ថកិច្ចខណ្ឌទួលគោក កំពុងឡោមព័ទ្ធមជ្ឈមណ្ឌលម៉ុងឌីយ៉ាល់ដើម្បីចាប់ខ្លួនក្រុមចោរប្លន់ប្រដាប់អាវុធដែលបានធ្វើសកម្មភាពនៅតាមបណ្ដោយផ្លូវ៣៧១ ស្ថិតក្នុងសង្កាត់បឹងទំពុន ខណ្ឌមានជ័យកាលពីយប់មិញ ដោយបានបាញ់របួសជនរងគ្រោះ៣នាក់ ។ ហេតុការណ៍ព័ទ្ធចាប់ជនសង្ស័យនេះធ្វើឡើងនៅវេលាម៉ោង៧ និង២០នាទីយប់ ថ្ងៃទី២៦ វិច្ឆិកា ២០១៥ នៅមជ្ឈមណ្ឌលម៉ុងឌីយ៉ាល់ ស្ថិតក្នុងសង្កាត់ផ្សារដើមគរ ខណ្ឌទួលគោក ។
ប្រភពព័ត៌មានជំហានដំបូងបានបានឲ្យដឹងថា សមត្ថកិច្ចចាប់ខ្លួនជនសង្ស័យបានម្នាក់បញ្ជូនទៅអធិការដ្ឋានខណ្ឌទួលគោកធ្វើការសាកសួរដើម្បីស្វែងរកចាប់ខ្លួនបក្ខពួកបន្តទៀត ។
ប្រភពពីសមត្ថកិច្ចបានឲ្យដឹងថា សមត្ថកិច្ចមិនទាន់អាចបង្ហើបពីអត្តសញ្ញាណជនសង្ស័យម្នាក់ដែលត្រូវចាប់ខ្លួនឲ្យបានដឹងនៅឡើយទេ រង់ចាំធ្វើការសាកសួរ និងស្វែងរកចាប់ខ្លួនបក្ខពួកបន្តទៀតសិន ។ ការព័ទ្ធចាប់នេះគឺធ្វើការឆែកឆេរគ្រប់មនុស្សដែលចេញចូលមជ្ឈមណ្ឌលម៉ុងឌីយ៉ាល់ ចំពោះអ្នកដែលមិនពាក់ព័ន្ធនឹងការសង្ស័យគឺសមត្ថកិច្ចបានឲ្យត្រឡប់ទៅវិញធម្មតា ។
ព័ត៌មានលម្អិតនឹងផ្សាយនៅពេលក្រោយ និងនៅលើកាសែតកោះសន្តិភាព
ចែករំលែកព័តមាននេះ