PMខេត្តនាំអំណោយជូនលោកយាយដែលរងគ្រោះដោយសារភ្លើងឆេះផ្ទះ
ខេត្តស្វាយរៀង ៖ នៅព្រឹកថ្ងៃទី២៦ ខែវិច្ឆិកា ឆ្នាំ២០១៥ នេះ លោក សែ វុទ្ធី មេបញ្ជាការកងរាជអាវុធហត្ថខេត្ត នាំយកអំណោយមួយចំនួនទៅជូនលោកយាយ វន សានិត អាយុ៧៧ឆ្នាំ
ខេត្តស្វាយរៀង ៖ នៅព្រឹកថ្ងៃទី២៦ ខែវិច្ឆិកា ឆ្នាំ២០១៥ នេះ លោក សែ វុទ្ធី មេបញ្ជាការកងរាជអាវុធហត្ថខេត្ត នាំយកអំណោយមួយចំនួនទៅជូនលោកយាយ វន សានិត អាយុ៧៧ឆ្នាំ
ខេត្តស្វាយរៀង ៖ នៅព្រឹកថ្ងៃទី២៦ ខែវិច្ឆិកា ឆ្នាំ២០១៥ នេះ លោក សែ វុទ្ធី មេបញ្ជាការកងរាជអាវុធហត្ថខេត្ត នាំយកអំណោយមួយចំនួនទៅជូនលោកយាយ វន សានិត អាយុ៧៧ឆ្នាំ រស់នៅជាមួយចៅប្រុសពិការម្នាក់ រងគ្រោះដោយសារអគ្គិភ័យបានបំផ្លាញផ្ទះរបស់ពួកគាត់អស់គ្មានសល់ ។
អំណោយរបស់ប៉េអឹមទាំងអស់ រួមមាន មី៥កេស អង្ករ១០០គីឡូក្រាម ត្រីខ២យួរ ទឹកត្រី១យួរ ទឹកស៊ីអ៊ីវ១យួរ ធុងទឹក១ ឆ្នាំង២ ស្លាបព្រា១ឡូ ចាន១ឡូ និងប្រាក់អាមេរិកចំនួន១០០ដុល្លារ ចំណែកអំណោយវត្តស្វាយរំពារ ប្រាក់៦ម៉ឺនរៀល អង្ករ២តៅ និងភូមិជួយប្រាក់៤ម៉ឺនរៀលផងដែរ ។
គួររំឭកថា កាលពីវេលាម៉ោង១១និង១០នាទីព្រឹកថ្ងៃទី២៥ វិច្ឆិកា ២០១៥ ផ្ទះលោកយាយអាយុ៧៧ឆ្នាំ រស់នៅជាមួយចៅប្រុសពិការម្នាក់ ស្ថិតនៅភូមិកក់ ឃុំស្វាយរំពារ ស្រុកស្វាយទាប ខណៈលោកយាយដាក់ស្ងោរដំឡូងទុកចោរ ហើយនាំចៅប្រុសចេញទៅត្រងកូនត្រីយកមកធ្វើផ្អកទុកហូប ត្រូវបានអគ្គិភ័យបំផ្លាញហ្មត់គ្មានសល់ ។
លោកមេភូមិកក់ បានឱ្យដឹងថា ផ្ទះលោកយាយដែលត្រូវភ្លើងឆេះខាងលើនេះ មានទំហំ៣ម៉ែត្រគុណ៦ម៉ែត្រ ធ្វើអំពីឈើជាប់នឹងដីប្រក់ស្លឹក សម្ភារក្នុងផ្ទះទាំងប៉ុន្មានក៏ត្រូវឆេះអស់គ្មានសល់ដែរ ៕
ចែករំលែកព័តមាននេះ