ខេត្តរតនគិរី ៖ នាយករដ្ឋានស្រាវជ្រាវបង្ការ និងបង្ក្រាបបទល្មើសគយ បានចាប់រថយន្តធុនធំយីឌុបដឹកឈើប្រណិតខុសច្បាប់១គ្រឿង នៅច្រកអន្តរជាតិអូរយ៉ាដាវនៅថ្ងៃទី២៥ វិច្ឆិកា ២០១៥ វេលាម៉ោង០៨ និង១៥នាទីយប់ ស្ថិតនៅចំណុចផ្លូវជាតិលេខ៧៨ ទល់មុខច្រកទ្វារអន្តរជាតិអូរយ៉ាដាវ ក្នុងភូមិប៉ុកធំ ឃុំប៉ក់ញ៉ៃ ស្រុកអូរយ៉ាដាវ។
ខេត្តរតនគិរី ៖ នាយករដ្ឋានស្រាវជ្រាវបង្ការ និងបង្ក្រាបបទល្មើសគយ បានចាប់រថយន្តធុនធំយីឌុបដឹកឈើប្រណិតខុសច្បាប់១គ្រឿង នៅច្រកអន្តរជាតិអូរយ៉ាដាវនៅថ្ងៃទី២៥ វិច្ឆិកា ២០១៥ វេលាម៉ោង០៨ និង១៥នាទីយប់ ស្ថិតនៅចំណុចផ្លូវជាតិលេខ៧៨ ទល់មុខច្រកទ្វារអន្តរជាតិអូរយ៉ាដាវ ក្នុងភូមិប៉ុកធំ ឃុំប៉ក់ញ៉ៃ ស្រុកអូរយ៉ាដាវ។
ក្នុងករណីបង្ក្រាបបទល្មើសឈើប្រណីតខាងលើ ដឹកនាំដោយលោក ព្រាប គារ៉ាត ជំនួយយការនាយកដ្ឋានស្រាវជ្រាវបង្ការ និងបង្ក្រាបបទល្មើសឱ្យដឹងថា ដោយមានការចូលរួមសហការពីប៉េអឹមផ្ទៃប្រទេសគយចល័ត និងមន្ត្រីគយច្រកទ្វារអន្តរជាតិអូរយ៉ាដាវ បានចាប់រថយន្តម៉ាកហ៊ីយ៉ាន់ដាយយីឌុប ពណ៌ខៀវ ពាក់ស្លាកលេខត្បូងឃ្មុំ 3A-0053 បានផ្ទុកឈើប្រណីតពេញក្នុងបំណងលោតឆត្រទៅលក់នៅប្រទេសវៀតណាម ។
លោកព្រាប គារ៉ាត បានបន្តទៀតថា រាល់ទំនិញទាំងអស់ បើគ្មានការអនុញ្ញាត និងមានលិខិតបង់ពន្ធច្បាស់លាស់ពីស្ថាប័នគយទេ ត្រូវចាប់រឹបអូសយកមករក្សាទុកនៅសាខាគយ និងរដ្ឋាករខេត្តរតនគិរី ដើម្បីម្ចាស់ដើមមកដោះស្រាយគ្នាតាមផ្លូវច្បាប់ ។ សេចក្តីរាយការណ៍បានបន្ថែមថា ឈើប្រណីតនៅក្នុងរថយន្តខាងលើជាង៣០ម៉ែត្រគូបទេ ហើយឈើប្រណីតទាំងនោះភាគច្រើនសុទ្ធតែប្រភេទឈើធ្នង់ និងនាងនួន ។ សមត្ថកិច្ចគយនៅមិនទាន់វាស់វែងដឹងចំនួនច្បាស់លាស់នៅឡើយទេ ចំណែកម្ចាស់ឈើរត់គេចខ្លួនបាត់ ។
លោកព្រាប គារ៉ាត បានឱ្យដឹងថា ឈើប្រណីតដែលចាប់បានខាងលើ សមត្ថកិច្ចគយមិនបានប្រគល់ឱ្យមេព្រៃនោះទេ ព្រោះគយមានច្បាប់ពិសេសរបស់គេមួយទៀតសម្រាប់បង្ក្រាបបទល្មើសឆ្លងដែនទៅក្រៅប្រទេស ។
គួរបញ្ជាក់ថា ឈ្មួញដែលមានលុយកាក់ទិញឈើប្រណីតដឹកយកទៅលក់នៅប្រទេសវៀតណាមសព្វថ្ងៃនេះ គេកម្រឃើញមានសមត្ថកិច្ចជំនាញពាក់ព័ន្ធនៅក្នុងខេត្តរតនគិរី បង្ក្រាបបានម្តងណាឡើយ ។
តាមការសន្និដ្ឋានពីមជ្ឈដ្ឋានមួយចំនួនឱ្យដឹងថា ឈើប្រណីតដែលសមត្ថកិច្ចចាប់បានពេញឡានខ្នាតយក្សនេះ ម្ចាស់ឈើប្រហែលជាអ្នកមានអំណាច និងមានលុយ ទើបហ៊ានប្រព្រឹត្តបទល្មើសនេះ ។
ចែករំលែកព័តមាននេះ