សហរដ្ឋអាមេរិក ៖ សេដ្ឋកិច្ចរបស់សហរដ្ឋអាមេរិកបានកើនឡើងកាន់តែខ្លាំងក្លាជាងការរំពឹងទុកទៅទៀត ដោយសារតែការវិនិយោគច្រើនជាងមុនទៅលើវិស័យពាណិជ្ជកម្ម និងលំនៅឋាន ដែលទូទាត់នឹងកម្លាំងជំរុញតិច
សហរដ្ឋអាមេរិក ៖ សេដ្ឋកិច្ចរបស់សហរដ្ឋអាមេរិកបានកើនឡើងកាន់តែខ្លាំងក្លាជាងការរំពឹងទុកទៅទៀត ដោយសារតែការវិនិយោគច្រើនជាងមុនទៅលើវិស័យពាណិជ្ជកម្ម និងលំនៅឋាន ដែលទូទាត់នឹងកម្លាំងជំរុញតិចជាងមុនក្នុងការចំណាយរបស់អតិថិជន ។
ក្រសួងពាណិជ្ជកម្មថ្លែងថា ក្នុងត្រីមាសទី៣ (កក្កដា-កញ្ញា) ផលិតផលក្នុងស្រុកសរុប (GDP) ដែលជាវិធានការពង្រឹងទិន្នផលទំនិញ និងសេវាកម្មក្នុងសេដ្ឋកិច្ចពង្រីកបាន២,១% ក្នុងការបោះជំហានប្រចាំឆ្នាំ ។
កំណើន GDP ក្នុងត្រីមាសនេះ កាលពីដើមឡើយគេបានព្យាករទុកថា នឹងសម្រេចបានត្រឹមកម្រិត១,៥%ប៉ុណ្ណោះ ខណៈបច្ចុប្បន្នមានសន្ទុះខ្លាំងក្លាជាងពេលមុន ហើយនៅតែត្រូវគេកត់សម្គាល់ក្នុងការបង្អន់ល្បឿនក្នុងការពង្រីកបានយ៉ាងខ្លាំងក្លាស្មើនឹង៣,៩% ក្នុងត្រីមាសទី២ ដដែល ។
ចំណែកការបន្ថែមបន្ថយលើនិន្នាការកើនឡើង គឺជាកម្រិតខ្ពស់ជាងការរំពឹងទុករបស់អ្នកវិភាគបន្តិច ប៉ុន្តែទិន្នន័យនៃការកែសម្រួលថ្មីសរុបទាំងអស់មានកម្រិតវិជ្ជមានតិចតួចប៉ុណ្ណោះ។ ការកែប្រែតួលេខថ្មីនេះ មួយផ្នែកធំមកពីការថយចុះកម្រិតតិចជាងមុនក្នុងការវិនិយោគទៅលើសារពើភ័ណ្ឌឯកជន បើធៀបនឹងការព្យាករកាលពីមុននៃត្រីមាសទី២ ដោយទូទាត់នឹងការកែសម្រួលថ្មីនៃនិន្នាការថយចុះគួរឲ្យកត់សម្គាល់ក្នុងការចំណាយរបស់អតិថិជន ។
គួរបញ្ជាក់ថា របាយការណ៍នេះបានធ្វើឡើង៣សប្តាហ៍មុនធនាគារកណ្តាលប្រារព្ធកិច្ចប្រជុំប្រចាំឆ្នាំស្តីពី «គោលនយោបាយរូបិយវត្ថុលើកចុងក្រោយ» របស់ខ្លួន ។ ការរំពឹងទុករបស់ទីផ្សារ គឺស្ថិតក្នុងកម្រិតខ្ពស់ដែលធនាគារកណ្តាលនឹងបង្កើនអត្រាការប្រាក់គោលរបស់ខ្លួននៅថ្ងៃទី១៦ ធ្នូ ចាប់ពីអត្រាក្បែរសូន្យ ហើយកម្រិតចាប់ពីខែធ្នូ ឆ្នាំ២០០៨ ដើម្បីគាំទ្រការរើបឡើងវិញនៃសេដ្ឋកិច្ចដើរថយក្រោយ ឬមិនរីកចម្រើន ។
កំណើននេះងាយនឹងប្រែប្រួលសម្រាប់ឆ្នាំនេះ ជាមួយការកើនឡើងត្រឹមតែ០,៦%ប៉ុណ្ណោះ ក្នុងត្រីមាសដំបូង ចំណែកការបោះជំហានទាំងស្រុង គឺស្ថិតក្នុងការភ្ជួររាស់សេដ្ឋកិច្ចដែលទឹមដោយសេះ បើទុកជាសេដ្ឋកិច្ចពិភពលោកមានការបង្អន់ល្បឿនក៏ដោយ ។
ការចំណាយរបស់អតិថិជនដែលជាអ្នកជំរុញមានប្រមាណជា២ភាគ៣ នៃសកម្មភាពសេដ្ឋកិច្ចសហរដ្ឋអាមេរិកបានកើនឡើង៣% ក្នុងត្រីមាសទី៣ គឺតិចជាងអត្រា៣,២% ដែលបានព្យាករទុកកាលពីពេលមុន ចំណែកការវិនិយោគលើវិស័យពាណិជ្ជកម្មវិញបានកើនឡើង២,៤%ច្រើនជាងការប៉ាន់ប្រមាណទុកកាលពីមុន៣ភាគ១០ ។ រីឯការវិនិយោគក្នុងវិស័យលំនៅឋានបានកើនឡើង៧,៣% ដែលបានកែសម្រួលថ្មីជាមួយអត្រា៦,១% ។
ជាមួយគ្នានេះដែរ ខាងរដ្ឋបាលរបស់លោក បារ៉ាក់ អូបាម៉ា បានកត់សម្គាល់ពីកំណើននៃការវិនិយោគក្នុងទីផ្សារលំនៅឋានដែលស្ថិតក្នុងចំណោមចំណុចភ្លឺស្វាងមួយនៃសេដ្ឋកិច្ច ។
ចំណែកលោក Jason Furman ប្រធានក្រុមប្រឹក្សាអ្នកសម្របសម្រួលសេដ្ឋកិច្ចបានលើកឡើងថា ៖ «កាលពីត្រីមាសមុន ការវិនិយោគលំនៅឋានបានកើនឡើង៩,២% ដែលជាកំណើនមួយខ្លាំងក្លាបំផុត បើគិតចាប់ពីការរើបឡើងវិញនៃវិបត្តិហិរញ្ញវត្ថុនៅឆ្នាំ២០១២ និងឆ្នាំ២០១៣» ។
ទោះជាយ៉ាងណា រដ្ឋាភិបាលនឹងធ្វើការប៉ាន់ប្រមាណទុកលើកចុងក្រោយចំពោះ GDP ក្នុងត្រីមាសទី៣ នៅថ្ងៃទី២២ ធ្នូ គឺមួយសប្តាហ៍ បន្ទាប់ពីកិច្ចប្រជុំថ្ងៃទី១៥ និងថ្ងៃទី១៦ ធ្នូ របស់ធនាគារកណ្តាល ។ ធនាគារកណ្តាលអាមេរិកបានព្យាករទុកថា កំណើនសេដ្ឋកិច្ចសហរដ្ឋអាមេរិកក្នុងឆ្នាំនេះ នឹងសម្រេចបាន២,១% បើធៀបនឹងអត្រាកំណើន២,៤%កាលពីឆ្នាំ២០១៤ ៕
ចែករំលែកព័តមាននេះ