ប្រទេសកូរ៉េខាងត្បូង ៖ រដ្ឋាភិបាលបានថ្លែងកាលពីថ្ងៃព្រហស្បតិ៍ថា បរិមាណអ្នកធ្វើដំណើរតាមជើងអាកាសរបស់កូរ៉េខាងត្បូង បានកើនឡើងយ៉ាងគំហុក បើធៀបនឹងខែតុលាឆ្នាំទៅ គឺកើនឡើងទាំងជើងហោះហើរក្នុងស្រុក និងក្រៅស្រុក ។
ប្រទេសកូរ៉េខាងត្បូង ៖ រដ្ឋាភិបាលបានថ្លែងកាលពីថ្ងៃព្រហស្បតិ៍ថា បរិមាណអ្នកធ្វើដំណើរតាមជើងអាកាសរបស់កូរ៉េខាងត្បូង បានកើនឡើងយ៉ាងគំហុក បើធៀបនឹងខែតុលាឆ្នាំទៅ គឺកើនឡើងទាំងជើងហោះហើរក្នុងស្រុក និងក្រៅស្រុក ។
យោងតាមក្រសួងដែនដី ហេដ្ឋារចនាសម្ព័ន្ធនិងដឹកជញ្ជូនឲ្យដឹងថា ក្នុងខែកញ្ញានេះ បរិមាណអ្នកធ្វើដំណើរតាមដែនអាកាសសរុបទាំងអស់កើនឡើង១១,៩% ឬស្មើនឹង៨,៣៥លាននាក់ ។
ចំណែកបរិមាណអ្នកធ្វើដំណើរតាមដែនអាកាសអន្តរជាតិ ដែលឆ្ពោះមកកាន់កូរ៉េខាងត្បូង និងចេញពីកូរ៉េខាងត្បូងបានកើនឡើង១១% ឬស្មើនឹង៥,៦១លាននាក់ក្នុងខែតុលា គឺកើនពីអត្រា៤,៩៣លាននាក់ក្នុងខែកញ្ញា ។
កំណើន២ខែជាប់ៗគ្នានេះបានឆ្លុះបញ្ចាំងពីការថយចុះដោយការបារម្ភពីជំងឺ MERS ដោយបង្កើតក្តីកង្វល់យ៉ាងធ្ងន់ធ្ងរដល់ការធ្វើដំណើរតាមដែនអាកាសអន្តរជាតិក្នុងអំឡុងរដូវក្តៅ ។
ចំណែកការធ្វើដំណើរតាមអាកាសទៅប្រទេសជប៉ុន តំបន់ប្រជុំកោះនៅមហាសមុទ្រប៉ាស៊ីហ្វិក និងអឺរ៉ុប សុទ្ធសឹងតែកើនឡើងទ្វេដង ខណៈការធ្វើចរាចរទៅកាន់ប្រទេសចិន ឬចេញពីប្រទេសចិនវិញ កើនឡើងត្រឹមតែ៩,៣% ប៉ុណ្ណោះ ។
ចំណែកការធ្វើចរាចរណ៍ក្នុងស្រុកបានរើបឡើងយ៉ាងលឿនបន្ទាប់ពីការធ្លាក់ចុះដល់កម្រិតទាប ដោយសារការបារម្ភពីជំងឺ MERS ដែលបន្តកំណើនក្នុងការបោះជំហានលឿនក្នុងអត្រា១៣,៧% គឺជាកម្រិតខ្ពស់ថ្មីមួយ២,៧២លាននាក់សម្រាប់ខែកញ្ញា ។
ក្រសួងបានថ្លែងថា ការកើនឡើងនេះដោយសារតែមនុស្សកាន់តែច្រើនធ្វើដំណើរទៅកោះរីស៊ត Jeju ជាតំបន់ឆ្នេរភាគខាងត្បូងរបស់កូរ៉េខាងត្បូង ។
រីឯអ្នកដំណើរអន្តរជាតិដែលចាកចេញពីកូរ៉េខាងត្បូង និងឆ្ពោះទៅកាន់កូរ៉េខាងត្បូងវិញមានចំនួន៦៣,៨% (ហោះមកកាន់កូរ៉េ) ៣,៥៧% (ហោះចេញពីកូរ៉េ) ដោយប្រើប្រាស់ជើងហោះហើរប្រតិបត្តិការដោយក្រុមហ៊ុនអាកាសចរណ៍កូរ៉េខាងត្បូង ។
ចំណែកបរិមាណក្រុមហ៊ុនអាកាសចរណ៍ពេញសេវាកម្មចំនួន២ របស់ប្រទេសនេះ Korean Air និង Asiana Airline បានកើនឡើង៧,៨% បើធៀបនឹងឆ្នាំមុន ឬស្មើនឹង២,៧២លាននាក់ ខណៈតួលេខសម្រាប់ក្រុមហ៊ុន៥បានកើនឡើង៥៩% ឬស្មើនឹង៨៤៩.២៨៦នាក់រយៈពេលមួយខែនោះ ។
នៅគ្រានោះដែរ ទិន្នន័យចុងក្រោយបង្ហាញថា ការដឹកជញ្ជូនតាមផ្លូវអាកាសបានកើនឡើង៣,៦% ឬស្មើនឹង៣៣៨.៦២៧តោនជាមួយការបង្កើនកំណើនដោយការដឹកជញ្ជូនទំនិញអន្តរជាតិ ។
ក្រសួងថ្លែងបន្តថា ការដឹកជញ្ជូនទំនិញអន្តរជាតិសម្រេចបាន៣១២.៧០៥តោន កើនឡើង៤% ជាមួយការកើនឡើងសម្រាប់ប្រទេសចិន ជប៉ុន និងអាស៊ីអាគ្នេយ៍ ។ ដោយឡែក ការដឹកជញ្ជូនទំនិញក្នុងស្រុកវិញធ្លាក់ចុះ០,៩% ឬស្មើនឹង២៥.៩២២តោន ៕
ចែករំលែកព័តមាននេះ