ខេត្តបន្ទាយមាជ័យ៖ ឈ្មួញមួយក្រុមរកស៊ីដឹកទំនិញបានចោទប្រកាន់គយចល័តផ្លូវ៥០កូនដំរីខ្លាំងៗថា ទំនិញបង់ពន្ធហើយទារឱ្យបង់លុយទៀត ។ ចំណែករថយន្តដឹកទំនិញល្អនាំចូលត្រូវបានដាក់ឱ្យបង់ខែ។
ឈ្មួញបានប្រាប់ថា មន្ត្រីគយចល័តផ្លូវ៥០ ស្ថិតភូមិកូនដំរី សង្កាត់និមិត្ត ក្រុងប៉ោយប៉ែត ទំនិញដែលឈ្មួញដឹកចេញពីប៉ោយប៉ែតដែលបានបង់ពន្ធហើយ ត្រូវបានទារលុយក្រៅទៀត ដូចជារថយន្តនីស្សាន់មួយបាំងកន្លះដែលដឹកទំនិញចាប់ឆាយត្រូវបានឱ្យបង់លុយ១៥ទៅ២០ម៉ឺនរៀល បើមិនបង់មិនឱ្យទៅមុខ។
ឈ្មួញរូបនោះបានបញ្ជាក់ថា ទំនិញដែលនាំចូលពីប្រទេសថៃតាមច្រកអន្តរជាតិប៉ោយប៉ែត ត្រូវបានបង់ពន្ធនៅចំណុចមន្ត្រីគយផ្សារ៉ាដែលគេបានស្គាល់ថា លោកស្រី ថង គឹមលេង (ដែលជាសាច់ញាតិ)លោក ថង សុខាំភូ ប្រធានសាខាគយ និងរដ្ឋាករខេត្តបន្ទាយមានជ័យ។
ឈ្មួញងឿងឆ្ងល់ថា លោកស្រី ថង គឹមលេង មានតួនាទីភារកិច្ចអីក្នុងស្ថាប័នគយ និងរដ្ឋាករប៉ោយប៉ែតបានជាវាយតំលៃ និងចេញប័ណ្ណកំណត់ឱ្យបង់ពន្ធរាល់ទំនិញនាំចូលពីប្រទេសថៃ។
ពាក់ព័ន្ធករណីនេះកោះសន្តិភាពបានទំនាក់ទំនងតាមទូរស័ព្ទទៅលោកថង សុខាំភូ ប្រធានសាខាគយ និងរដ្ឋាករខេត្តបន្ទាយមានជ័យដែរ តែមិនអាចធ្វើការទំនាក់ទំនងបំភ្លឺបានទេ ម្សិលមិញនេះ៕
ចែករំលែកព័តមាននេះ