សង្ស័យវប្បធម៌ខ្មោច !
របស់ដែលហៅថា «វប្បធម៌សន្ទនា» នៅពេលបានកើតឡើងដំបូងបានធ្វើឱ្យសកម្មជនទាំងឡាយរបស់បក្សទាំង២រីករាយក្នុងចិត្តគ្រប់គ្នា…ព្រោះគេយល់ថា សង្គមយើងលែងមាន«កម្តៅ»…លែងឈ្លោះ…លែងមានកា.ប់ចាក់គ្នាទៀតហើយ
របស់ដែលហៅថា «វប្បធម៌សន្ទនា» នៅពេលបានកើតឡើងដំបូងបានធ្វើឱ្យសកម្មជនទាំងឡាយរបស់បក្សទាំង២រីករាយក្នុងចិត្តគ្រប់គ្នា…ព្រោះគេយល់ថា សង្គមយើងលែងមាន«កម្តៅ»…លែងឈ្លោះ…លែងមានកាប់ចាក់គ្នាទៀតហើយ ។ សង្ឃឹមមានសន្តិភាពទាំងផ្លូវកាយ…ផ្លូវចិត្ត ។
ជាពិសេសអ្នករកស៊ីតូចធំទាំងឡាយ សប្បាយជាងគេ…ព្រោះលែងភ័យ…លែងខ្លាច…លែងមានភាពវឹកវរ…បានសម្ងំរកសីុសុខស្រួល ត្រជាក់ត្រជុំ ញញឹមគ្រប់គ្នា។
ប៉ុន្តែដូចក្មេងបៀមដៃ…ដូចល្បែងបាយឡុកបាយឡ…ចោលម្សៀតតែម្រ៉ង ! ចេញផុតពីតុចរចា…ចេញផុតពីការចាប់ដៃគ្នា…ឮតែពាក្យប្រមាថ…ដៀមដាម…ចោទដាក់គ្នាកាន់តែខ្លាំង…ក្លាយជាខ្មាំង ជាសត្រូវ…លែងមើលមុខគ្នាចំតែម្តង ! សង្ស័យជា«វប្បធម៌ខ្មោច»…ធ្វើឱ្យមហាជនទាំងឡាយភ័យព្រួយ…អស់ពីកាប់ចាក់គ្នាដោយវោហា…ឥឡូវស្រាប់តែលេចអារឿង«ចង់ជួបគ្នា»
ប្រហើរសម្តីថាចង់ប្រើ«វប្បធម៌សន្ទនា»ទៀតហើយ…ទស្សនៈមហាជនពេលនេះយល់ឃើញថា បើវាមិនខ្មេះ…ឬមិនខ្មោចទេ…ឈប់ប្រើវប្បធម៌ស្អីហ្នុងទៅ ! នាំឱ្យតែគេខកចិត្តជឿ…ពេលអង្គុយចរចាគ្នាផ្អែមបន្លែណាស់…ញញឹមស្រស់ស្រាយ…ដល់ចេញផុតពីមុខគ្នា…ក្លាយជាស្លែង…មិនស្លែងក្នុងប្រទេសទេ…ទៅស្លែងនៅក្រៅប្រទេស ធ្វើឱ្យខ្មែរដែលមិនដែលមកអើតស្រុក…ជឿចង់អស់ស៊ីក៏មានដែរ…។
អាណិតជាងគេ មេបក្សប្រឆាំងទាំងទ្វេ…ដើរឱ្យតត្រុកស្វែងរកវប្បធម៌សន្ទនា…ទីបំផុតសន្ទនាចប់…បែរជា«ដុតខ្លួនឯង»មិនមែនដុតពេលស្លាប់ទេ…គឺដុត«ទាំង
រស់»តែម្តង…តើចំណេញខ្មោចអីទៅ ?
ពេលវេលានេះ បើកុំទាស់គ្នា…ល្អណាស់ ! បើចាំដល់១ខែមុនបោះឆ្នោត…ចាំលាំងគ្នាម្រយៗ…យើងគិតថា…អ្នកចាញ់និងអ្នកឈ្នះប្រាកដជាដឹង ។
បើលេងគ្នាពីឥឡូវបែបនេះ…យើងគិតថា អ្នកចាញ់នៅតែចាញ់…អ្នកឈ្នះនៅតែឈ្នះ…ហេ! ហេ!
អាឡេវ
ចែករំលែកព័តមាននេះ