ខេត្តស្វាយរៀង ៖ រថយន្តម៉ាកតាកូម៉ាបានបើកបុកជាមួយម៉ូតូហុងដាគុបមូល សេ៥០ពេញទំហឹងលាន់ដូចរន្ទះបណ្តាលឲ្យអ្នកបើកបរម៉ូតូស្លាប់ភ្លាមៗនៅនឹងកន្លែង និងអ្នករួមដំណើររងរបួសបាក់ភ្លៅស្តាំបែកមុខសន្លប់នៅនឹងកន្លែង។
ករណីគ្រោះថ្នាក់ចរាចរណ៍នេះបានកើតឡើងកាលពីរវេលាម៉ោង១០ និង៥០នាទីយប់ ថ្ងៃទី២៥ វិច្ឆិកា ២០១៥ នៅលើកំណាត់ផ្លូវជាតិលេខ១ ស្ថិតនៅភូមិលៀប ឃុំកណ្តៀងរាយ ស្រុកស្វាយរៀង។
បើតាមមន្ត្រីនគរបាលស្រុកស្វាយទាបបានឲ្យដឹងថា ជនរងគ្រោះស្លាប់ឈ្មោះអាន រដ្ឋា ភេទប្រុស អាយុ៣៣ឆ្នាំ មុខរបរជាងសំណង់ មានទីលំនៅភូមិខាងកើត វត្តឃុំត្នោត ស្រុកកំពង់រោទ៍ ជាអ្នកបើកម៉ូតូគុបសេ៥០ អត់ស្លាកលេខ ។
រីឯអ្នករួមដំណើរឈ្មោះនីមុំ ភេទប្រុស អាយុ២៤ឆ្នាំ មុខរបរមុខរបរកម្មករសំណង់ មានទីលំនៅភូមិស្វាយអង្គ ឃុំប្រសូត្រ ស្រុកស្វាយទាប រងរបួសបាក់ជើងខាងស្តាំ និងដាច់រលាត់មុខមាត់ធ្ងន់ធ្ងរសន្លប់នៅនឹងកន្លែងត្រូវសមត្ថកិច្ចហៅរថយន្តសាមុយដឹកមកមន្ទីរពេទ្យខេត្តដើម្បីសង្គ្រោះរហូតដល់ម៉ោង៧ព្រឹកទើបរកសាច់ញាតិឃើញ៕
ចែករំលែកព័តមាននេះ