ខេត្តបន្ទាយមានជ័យ ៖ កាលពីថ្ងៃទី២៣ វិច្ឆិកា ២០១៥ លោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀនបានដឹកនាំមន្ត្រីជំនាញចុះទៅពិនិត្យក្រុមហ៊ុនថៃដែលកសាងរោងចក្រផលិតស្រូវ និងអង្ករ ដំឡូងមីនាំចេញនៅស្រុកភ្នំស្រុក។
តំណាងក្រុមហ៊ុនថៃបានប្រាប់ថា ក្រុមហ៊ុនបានដំណើរការកសាងជាបណ្តើរៗនៅចុងឆ្នាំ២០១៥នេះ និងហើយរួចរាល់នៅឆ្នាំ២០១៦ខាងមុខ ដើម្បីដំណើរការ ហើយក្រុមហ៊ុនអាចជ្រើសរើសកម្មករមកធ្វើការប្រមាណ២០០នាក់ជំហានដំបូង។
ក្រុមហ៊ុនកំពុងដំណើរការកសាងនេះ គឺជាក្រុមហ៊ុនដែលផលិតស្រូវអង្ករ និងដំឡូងមីនាំចេញទៅបរទេស ហើយទទួលទិញកសិផលដើម្បីផលិតនាំចេញ តែកសិផលដូចជាស្រូវដែលទទួលទិញក្នុងស្រុកភ្នំស្រុក គឺមិនអាចគ្រប់តាមតម្រូវការឡើយ ។
លោកឧបនាយករដ្ឋមន្ត្រី កែ គឹមយ៉ាន បានប្រសាសន៍ថា មូលហេតុដែលក្រុមហ៊ុនថៃដាក់វិនិយោគនៅស្រុកភ្នំស្រុក ខេត្តបន្ទាយមានជ័យ ផលិតស្រូវអង្ករ និងដំឡូងមីនាំចេញនោះ ដោយសារស្រុកភ្នំស្រុកមានអាងត្រពាំងថ្ម និងប្រជាកសិករធ្វើស្រូវស្រាលច្រើន និងចំការដំឡូងមី៕
ចែករំលែកព័តមាននេះ